Сингапур во средата обвини 10 странци за еден од најголемите случаи на перење и фалсификување пари, кој опфаќа околу 736 милиони американски долари во имот, луксузни автомобили, готовина и други средства.
Членовите на бандата биле уапсени во истовремени рации на 15 август во луксузни бунгалови и станови, се наведува во соопштението на полицијата објавено доцна во средата. Меѓу десеттемина има државјани од Кина, Кипар и Турција. Пронајдени се и пасоши за кои се верува дека се издадени од Кина, Камбоџа и Доминиканската Република.
Одземени луксузни предмети од осомничената банда за перење пари
Singapore Police Force
Властите забранија располагање со средствата, вклучувајќи 94 имоти и 50 возила со проценета вредност од над 815 милиони сингапурски долари. Групата е осомничена дека била вклучена во перење пари стекнати преку криминал од нејзините активности во странство, вклучувајќи измами и онлајн коцкање.
„Имаме нулта толеранција за употребата на Сингапур како засолниште за криминалци“, рече Дејвид Чу, директор на одделот за висок и организиран криминал. „Нашата порака до овие структури е едноставна - ако ве фатиме, ќе ве уапсиме. Ако го најдеме вашиот незаконски стекнат имот, ќе го заплениме“.
Монетарната управа на Сингапур соопшти дека ќе спроведе цврста акција против финансиските институции доколку има какво било прекршување на правилата за спречување на перењето пари. Сомнителна документација за изворот на богатството и други недоследности ги поттикнале банките да поднесат извештаи за сомнителни трансакции до властите, посочија од регулаторот.
Конфискуваните средства се движат од повеќе од 250 луксузни чанти и часовници до колекционерски играчки BE@RBRICK
Singapore Police Force
Властите трагаат уште по осум лица. Истрагата е во тек, а можно е да бидат запленети повеќе средства, соопшти полицијата.
Другите конфискувани средства вклучуваат повеќе од 250 луксузни чанти и часовници и над 270 парчиња накит. Фотографиите објавени од властите покажаа различни предмети, од автомобили „бентли“ и „ролс-ројс“ до алкохол и колекционерски играчки „беарбрик“ (BE@RBRICK).
.webp){kind=icon}
