Турнејата на Тејлор Свифт ги подобри прогнозите за БДП на Сингапур

Економистите ги надградија своите прогнози за Сингапур во однос на растот за првиот квартал, при што некои делумно ги припишуваат придобивките на турнејата „Ерас“ (Тhe Eras Tour) на Тејлор Свифт.

Бруто домашниот производ веројатно ќе се зголеми за 2,9 отсто во трите месеци кои завршуваат на 31 март, што е најбрзо темпо во шест квартали, според средната проценка во истражувањето на „Блумберг“. Економистите, исто така, ги зголемија своите годишни очекувања за раст во 2024-та на 2,5 отсто, од 2,3 отсто кои се предвидуваа претходно.

Сингапурската турнеја „Ерас“ се состои од шест концерти до 9 март. Тоа носи придобивки за угостителството, храната и пијалоците и активностите за малопродажба во Сингапур, вели економистот на ДБС (DBS Bank Ltd.), Хан Тенг Чуа.

„Тие главно би биле поддржани од повисоките странски туристички трошоци, бидејќи голем број обожаватели од странство присуствуваат на концертите во Сингапур“, рече Чуа, кој проценува дека шоуто ќе додаде меѓу 300 милиони и 400 милиони сингапурски долари, или 0,2 процентни поени од БДП на економијата на градот-држава во првиот квартал.

Сепак, изгледите остануваат кревки за економијата зависна од трговија, во услови на тесни глобални каматни стапки, нерамномерно закрепнување на Кина и долготрајни геополитички ризици.

„Очекуваме обнова на слабоста во првата половина бидејќи побавниот глобален раст ја намалува активноста во извозно ориентираната економија на Сингапур“, рече Шиваан Тандон, економист во „Капитал Економикс“ (Capital Economics). „Но, растот треба да се зголеми поодржливо од втората половина на годината“.