Првата песна „Lucky You“ ја напишала кога имала 12 години. Таа дебитира како независна пејачка и текстописка на само 16 години - синглот „Tim McGraw“ беше објавен во јуни 2006 година, а нејзиниот прв албум „Taylor Swift“ беше објавен подоцна истата година. Албумот го достигна петтото место на американскиот Билборд 200, каде што помина неверојатни 275 недели.
Таа се разви од наградувана кантри-пејачка до статус на една од најголемите поп-ѕвезди во светот.
Денес Тејлор Свифт не е само уметница туку е и бизнисменка што ги промени правилата на игра во музичката индустрија и стана милијардерка преку низа мудри деловни потези.
Позната по многу прекари - Змија (во најпозитивна смисла), Поп Титан, Кралица на Попот, Мис Американа - Тејлор Свифт создаде уникатен идентитет во светот на музиката, кој ѝ ја донесе најверната армија на обожаватели.
Прекарот кралица на велигденските јајца дојде од нејзиниот креативен пристап, кој крие длабоки симболични значења во нејзините албуми и во текстовите, како велигденските јајца, кои се дополнителна инспирација за публиката.
Спектакуларните концерти, на кои не е невообичаено да смени дури 16 костими, ѝ донесоа 370 милиони долари само од продажбата на билети и на сувенири.
Bloomberg Mercury
Поради големата побарувачка, за многу обожаватели, обидот да добијат билети за турнејата „Ерас“ беше како возење со ролеркостер од 1.500 долари. Откако беа привремено објавени датумите на концертот во САД, 14 милиони луѓе отидоа на Тикетмастер (Ticketmaster) и другите апликации за билети за да видат дали се распродадени. Наскоро на социјалните мрежи беа креирани налози за препродажба на билети. Некои од нив, како што е „Ерас тур Расел“ (Eras Tour Resell), моментално имаат 227.000 следбеници.
Цените на билетите за следната година, за концертот на стадионот „Вембли“ во Лондон во јуни, се движат од 1.000 долари па нагоре.
Во видеото можете да видите и список на имоти каде што сака да ги угости своите обожаватели, како и други извори на приход што придонеле за импресивното богатство на оваа повеќедимензионална сила во светот на забавата.
.webp){kind=icon}
Во моментов нема коментари за веста. Биди прв да коментира...