Избувна пожар во Универзалната сала во Скопје во центарот на Скопје. Екипи на противпожарната бригада се на терен и се обидуваат да ја стават ситуацијата под контрола.
Универзална сала почна да се реновира пред еден месец, а надлежно за реконструкција е Министерството за култура. Во изминатиот период продолжи реконструкцијата на надворешниот дел од овој репрезентативен објект, откако Владата ги презеде ингеренциите од Град Скопје. Од видеото објавено на социјалната мрежа Х може да се види густ чад се издига од зад зградата на поранешна „Нова Македонија“,
Сѐ уште нема информации што е причината за пожарот.
Непосредно по катастрофалниот земјотрес во Скопје, во 1963 година, со отстранувањето на тешките последици и обновувањето на градот, започнала изградбата на Универзална сала, како трајно одбележување на хуманата акција на дарители од странство.
Во изградбата со значајна материјална/финансиска помош учествувале повеќе од 35 земји од светот, со чии средства е купен објектот Универзална сала од фирмата „Техноекспортстрој“ од Софија, Република Бугарија. Салата е официјално пуштена во употреба 10 јануари 1966 година, како Центар за организирање на приредби, со драмската претстава „Виктор или деца на власт“, во изведба на белградското „Атеље 212“, а на 16 јануари е одржан голем Симфониски концерт на Македонската филхармонија со пијанистот Александар Унински.
.webp){kind=icon}
