Од вчера до крајот на 2024 година Унгарија ќе претседава со Советот на Европската Унија. Таа должност ја става Унгарија, предводена од контроверзниот премиер Виктор Орбан, под лупа поради честото спротивставување на одлуките на ЕУ. Иако од земјата што го презема претседавањето се очекува да дејствува непристрасно во интерес на целата Унија, многумина се прашуваат дали владата на Орбан може да ја исполни таа улога со оглед на нејзините досегашни политички потези.
Добро утро, ова се другите пет вести важни за почеток на денот
Вештачката интелигенција и македонскиот јавен сектор веројатно се смешни заедно
Од регистрација на автомобил, преку персонализирани програми за учење, поставување медицински дијагнози до превенција од климатски катастрофи – вештачката интелигенција сè почесто се користи од страна на владите во светот. Целта е подобрување на услугите за граѓаните. Ние анализираме што од тоа прави македонската влада. Дали евентуално има план за поголема примена, затоа што засега тоа е во зачеток.
Лани беше промовиран првиот дигитален асистент АДА. Беше најавен како прв ваков асистент базиран на вештачка интелигенција во регионот. „Во реалноста станува збор само за чет-бот со податоци поврзани со странски инвестиции, а не и за употреба на ВИ. Неговата едноставна употреба покажува дека се работи повеќе за алатка за ПР отколку за вистинска употреба на машинско учење и вештачка интелигенција за потребите на граѓаните“, вели во изјава за „Блумберг Адрија“ министерот Стефан Андоновски. Од минатата недела тој е чело на новото Министертсвто за дигитална трансформација кое до скоро беше Министерството за информатичко општество и администрација.
Кој учи, а кој прави бизнис од вештачката интелигенција во Македонија?
Во последниве години, побарувачката за едукација во сферата на вештачката интелигенција (ВИ) вртоглаво порасна, како одраз на растечкото влијание на оваа нова технологија во различни сектори. Од технолошки гиганти до стартапи, од здравство до финансии, вештачката интелигенција ги трансформира индустриите и создава нови можности, а тоа води до зголемен интерес за курсеви и наставни програми за ВИ и кај почетниците и кај професионалците.
Брзиот напредок во технологиите за вештачка интелигенција предизвика значителна промена на пазарот на труд. Според извештајот на Светскиот економски форум, вештачката интелигенција се очекува да создаде 97 милиони нови работни места до 2025 година, додека некои работни позиции ќе станат застарени.
Светска банка: Македонија да преземе реформи за справување со климатските промени
Македонија, како и другите земји од Западен Балкан, се соочува со сè поголеми предизвици од природни опасности што влијаат на животите, го попречуваат растот и ги оптоваруваат јавните финансии. За да се подготви за овие закани поврзани со климатските промени и да продолжи со пристапувањето во Европската Унија, земјата треба да преземе низа реформи, се наведува во новиот извештај на Светската банка, насловен „Преглед за климатски јавни финансии на Северна Македонија“.
„Во изминатите 50 години Македонија забележа значителен пораст на бројот на поплави, екстремни топлотни бранови, пожари и обилни врнежи. Само во последните две децении земјата се соочи со 12 катастрофи поврзани со климатските промени, кои погодија 1,3 милион луѓе. Со раст на глобалното затоплување, се очекува ситуацијата да се влоши во наредните години“, се наведува во соопштението од Светската банка.
Без ЕСГ сè потешко до кредити
Не е прашање дали компаниите сакаат, туку факт е дека ќе мора да ги имплементирате ЕСГ-стандардите доколку планираат да опстојат на пазарот и во иднина.
Во спротивно, ќе бидете истиснати од пласманот и синџирите на снабдување на странските пазари, а и се потешко ќе може да дојдат до атрактивен кредит, ова се пораките од голем дел од експертите – познавачи на новите практики и стандарди за одржлив развој, но и претставниците на банкарскиот сектор.
БЈД урива рекорди во продажбата на возила
„БЈД“ (BYD Co.) продаде рекорден број електрични и хибридни автомобили во вториот квартал, покажуваат податоците за продажбата собрани од „Блумберг Њуз“ (Bloomberg News), откако намалувањето на цените и новата технологија ги поттикнаа потрошувачите да купуваат.
Најпродаваниот автомобилски бренд во Кина продаде речиси милион модели во тој период, зацврстувајќи го закрепнувањето по бавниот почеток на годината. Продажбата беше делумно поттикната од потегот на компанијата да ги намали цените кај повеќето модели претходно оваа година, жртвувајќи ја профитабилноста, за да ги таргетира бензинските модели направени од странски брендови.
.webp){kind=icon}
