Антивирусните лекови за Ковид-19 на „Мерк енд ко“ (Merck & Co) добиваат нов живот во постпандемиска Кина бидејќи сопствениците на мачки ги користат како противотрови за болест предизвикана од коронавирус што ги инфицира нивните пријателчиња мачки, а е опасна по живот. Оваа фатална болест до неодамна немаше лесно достапен третман.
Овој потег стана жешка тема на социјалните мрежи, а десетици илјади љубители на мачки преку кинеските социјални мрежи споделуваат искуства за тоа како лековите ги спасиле нивните миленици.
Освен странските антивирусни лекови, некои сопственици на домашни миленици се одлучуваат за слични, но поевтини лекови за ковид развиени од кинеските компании.
Прочитај повеќе
Кои македонски компании заработија милиони, а кои посакуваат подобри времиња?
Како и во изминатите години, во Македонија најголем кајмак собираат најголемите играчи во банкарскиот сектор.
28.11.2024
Допрва ќе нè боли главата, поскапуваат главните состојки за апчињата
Европа е зависна од увоз на суровини од Азија.
06.11.2024
Портпаролот на „Мерк“ во одговорот за „Блумберг њуз“ (Bloomberg News), испратен по електронска пошта, рече дека компанијата не го тестирала лекот на мачки и не планира да го стори тоа.
Инфективниот перитонитис кај мачките е вирусна болест предизвикана од таканаречениот мачкин коронавирус, кој ги инфицира белите крвни зрнца пред да се прошири низ телото на мачката, предизвикувајќи воспалителни реакции. Болеста е фатална без третман.
Специфичен третман не беше достапен до неодамна. Некои антивирусни лекови се покажаа како ефикасни, но тие не се широко достапни, па сопствениците на мачки често бараат лекови преку извори на црниот пазар.
.webp){kind=icon}
Во моментов нема коментари за веста. Биди прв да коментира...