Даночна политика, царини, граници, надворешна политика и противници. Ова се темите за кои говореше американскиот претседател Доналд Трамп во досега најважниот говор на неговото претседателство. Трамп јасно стави до знаење дека овој пат распродажбата на берзата не ја разниша неговата решителност за царините. Тој рече дека сака да собере „милијарди и милијарди“ долари приход преку царините, што би значело голем нов данок на увозот.
Кој е кој на осигурителниот пазар во Македонија?
Во 2024 година осигурителниот пазар во Македонија ги надмина рекордните резултати од претходната година, со раст од 11,33 проценти, при што вкупната бруто-полисирана премија (БПП) достигнала вредност од речиси 16 милијарди денари (260 милиони евра), што е највисока годишна вредност на уплата во осигурителни премии во земјава на сите времиња. Кај неживотното осигурување има раст на БПП за 10,29 проценти, на 213 милиони евра, а кај животното осигурување растот е повисок, 16,31 проценти, на 47 милиони евра, покажуваат податоците на Националното биро за осигурување.
Германија ги менува фискалните правила за да ја трансформира европската одбрана
Германија ќе обезбеди стотици милијарди евра за одбранбени и инфраструктурни инвестиции, и тоа во услови на цврста контрола на државните задолжувања.
Идниот канцелар Фридрих Мерц изјави дека Германија ќе го измени Уставот за да ги изземе трошоците за одбрана и безбедност од ограничувањата на фискалните трошоци и дека ќе направи „сė што е потребно“ за да ја одбрани земјата. Тој рече дека со поддршка од неговите веројатни коалициски партнери, планира инфраструктурен фонд од 500 милијарди евра за инвестирање во приоритети како што се транспортот, енергетските мрежи и домувањето во текот на десет години.
Политички самит во Кина: Што можеме да очекуваме?
Тежиштето на моќта веќе се префрли на Кина, каде што деновиве се собира кремот на кинеската партиска номенклатура. Во кинеската престолнина Пекинг започна политичкиот спектакл на годината, наречен Национален народен конгрес, седумдневна сесија што ќе трае од 5 до 11 март, каде што секоја година се собираат илјадници службеници, бирократи, лидери и новинари.
Сесиите ќе бидат во сенка на непредвидливиот американски претседател Доналд Трамп, кој ги удвои царините за кинеската стока и ги зголеми на 20 проценти. Вниманието ќе биде насочено и кон мерките за поттикнување на бавната кинеска економија, која се бори со дефлација и пад на секторот за недвижности.
Го тестиравме новиот „ајфон 16е“: Вреди ли да се купи?
Моделот „ајфон 16е“ (iPhone 16e) предизвикува поделени реакции. „Епл“ (Apple) конечно го напушти застарениот дизајн на „ајфон ес-и“ (iPhone SE) и донесе уред со помодерен изглед, но со некои неизбежни компромиси. Иако нуди солидни перформанси и долготрајна батерија, останува прашањето дали вреди да се дадат 759,99 евра за телефон со оглед на цената и она што (не) го нуди. Ние тестиравме, вие прочитајте и одлучете дали ќе си купите.
Ретропатиките на „Адидас“ станаа хит во светот
„Адидас“ (Adidas AG) предвидува поголем профит годинава бидејќи германскиот спортски бренд ја проширува понудата на ретропатики, кои станаа хит и поттикнаа нов раст на глобалната продажба.
Германската компанија за спортска облека очекува оперативен профит од 1,7 до 1,8 милијарда евра годинава, се наведува во нивното соопштение. Побарувачката за ретромодели на патики, вклучувајќи ги и „самба“ (Samba) и „кампус“ (Campus), продолжува да расте, внесувајќи нов импулс за брендот што минува низ низа кризи во последните години. Акциите на „Адидас“ пораснаа за околу 32 отсто изминатата година, надминувајќи ги „Најк“ и „Пума“.
.webp){kind=icon}
