Најмалку едно лице е убиено, а тројца се повредени во новиот бран руски напади со беспилотни летала врз украинските градови Киев и Одеса. Ракетите погодија станица за прва помош и оштетија породилиште и станбени згради во историскиот центар на Одеса, додека во Киев беа погодени станбени згради, деловен центар и магацин, предизвикувајќи пожари во неколку делови од градот, изјави градоначалникот на украинската престолнина, Виталиј Кличко. Нападот започна кратко по полноќ и траеше до раните утрински часови.
Мобилизирани маринци поради немирите во Лос Анџелес
Белата куќа нареди мобилизација на 700 маринци и распореди воени трупи на улиците додека протестите во Лос Анџелес ескалираат четврти ден по ред, а според најновите информации, немирите почнаа да се шират и во блиската Санта Ана.
Прочитај повеќе
Преглед на берзите: S&P 500 расте по продолжувањето на преговорите меѓу САД и Кина
Американскиот министер за трговија Хауард Лутник изјави дека разговорите меѓу Вашингтон и Пекинг биле „плодни“, а министерот за финансии Скот Бесент го оцени како „добар состанокот“.
10.06.2025
Растот на биткоинот ги прави профитабилни сите купувања на „Стратеџи“
„Стратеџи“ поседува 582.000 биткоини, вредни околу 62,9 милијарди долари, чија просечна цена по токен е 70.086 долари.
10.06.2025
Да потсетиме, протестите започнаа во текот на викендот како одговор на масовната депортација на имигранти од тој калифорниски град, а гувернерот на државата кој е од редовите на демократите, Гевин Њусом, го осуди одговорот на претседателот Доналд Трамп и најави тужба против администрацијата за мобилизирање на Националната гарда и насилно задушување на протестите. Трамп, од друга страна, посочи дека Њусом може да биде уапсен ако ја попречува полицијата или депортацијата.
Продолжуваат трговските преговори меѓу САД и Кина
Трговските преговори меѓу САД и Кина ќе продолжат денес во Лондон во обид да се намалат тензиите околу размената на напредни технологии и извозот на ретки минерали од Кина. САД се подготвени да ги укинат ограничувањата за извоз на софтвер за дизајн на чипови и делови за авиони, во замена за концесии за кинескиот извоз на ретки минерали.
„Добро ни оди со Кина, но Кина не попушта лесно. Добивам добри вести“, рече американскиот претседател Доналд Трамп на денешната прес-конференција.
Министерот за финансии на САД, Скот Бесент, кој ја предводи делегацијата од Вашингтон, ги опиша разговорите како успешни, додека кинескиот вицепремиер Хе Лифенг одби да коментира за договорот. Разговорите продолжуваат утрово.
БЕРЗИ
Европа и САД
Фјучерсите на американските и европските берзански индекси беа мешани утрово. Скокот на американските фјучерсни договори беше поттикнат од позитивните знаци по првиот ден од трговските разговори меѓу Кина и САД.
Доларот зајакна, како и апетитот за ризик, што е видливо и во скокот на вредноста на биткоинот, кој надмина 109.000 долари и се приближува кон нов рекорд. Волстрит чека податоци за инфлацијата, што ќе бидат објавени утре, по што ќе има молк пред одлуката на Федералните резерви (Фед) за каматните стапки на 18 јуни. Според аналитичарите на „ЏП Морган“, царините повеќе не претставуваат значителен ризик за акциите.
Азиски берзи
И на азиските берзи се одразува импулсот на преговорите меѓу САД и Кина во Лондон, при што кинескиот индекс MSCI влезе на биковски пазар со скок од 20 проценти од неодамнешните најниски нивоа. И регионалниот азиско-пацифички индекс MSCI се тргуваше со добивки втор ден по ред, со најголем скок на акциите поврзани со индустријата за чипови.
„Епл“
На својата годишна глобална конференција за девелопери, „Епл“ го претстави најголемиот редизајн на софтвер во историјата на компанијата, со цел да ги направи своите понуди посеопфатни и покорисни. Новиот интерфејс „Liquid Glass“ има транспарентни менија и стаклен изглед, а промената е видлива на сите клучни уреди на „Епл“ што ја користат 26-тата генерација на оперативниот систем. И покрај ова, инвеститорите беа разочарани од недостатокот на какви било иновации и подобрувања во поглед на технологиите со вештачка интелигенција.
.webp){kind=icon}
