Растот на биткоинот ги прави профитабилни сите купувања на „Стратеџи“

Мини растот на биткоинот во текот на изминатите неколку сесии на тргување го направи профитабилно секое купување на криптовалутата од страна на „Стратеџи“ (Strategy) на Мајкл Сејлорс во текот на последните четири години.

Поранешната „Мајкростратеџи“ (MicroStrategy Inc.) вчера објави дека стекнала дополнителни 1.045 токени за 110,2 милиони долари во периодот од 2 до 8 јуни, или по просечна цена од 105.426 долари за секој. Биткоинот порасна за околу 1,7 проценти, на 108.022 долари до 12:39 часот во Њујорк, а од 5 јуни се искачи за околу 7,5 отсто.

„Стратеџи“ направи околу 70 одделни најави за купување откако Сејлор почна да инвестира во биткоин пари од билансот на состојба на производителот на деловен софтвер во средината на 2020 година. Тоа вклучува 15 купувања на биткоин во вредност од најмалку една милијарда долари, според податоците собрани од „Блумберг“. Бидејќи цената на биткоинот флуктуираше низ годините, многу од купувањата периодично беа под вода.

Сејлор, кој е ко-основач на фирмата со седиште во Тајсонс Корнер во Вирџинија и е нејзин извршен претседател, подоцна почна да продава обични и приоритетни акции, како и долгови за да финансира дополнителни купувања. „Стратеџи“ поседува 582.000 биткоини, вредни околу 62,9 милијарди долари. Просечната цена по токен е 70.086 долари.

Bloomberg

 

Најновите купувања беа направени со нето приходите во висина од 112 милиони долари од продажбата на приоритетните акции на компаниите „Страјк“ (Strike - STRK) и „Страјф“ (Strife - STRF), според поднесеното барање до Комисијата за хартии од вредност на САД.

Минатата недела „Стратеџи“ продаде друга класа хартии од вредност – перпетуални акции (Perpetual Stride Preferred Stock - STRD). Фирмата процени дека од понудата ќе оствари нето приходи од околу 979,7 милиони долари.

Податоците собрани од „Блумберг“ покажуваат дека првите 26 најави за купување врз основа на просечната цена на биткоинот се случиле во последните 12 месеци. „Стратеџи“ е водечки корпоративен сопственик на дигиталната валута. Сејлор се обврза да собере 84 милијарди долари во сопственички капитал и должнички инструменти.

Прирачникот на „Стратеџи“ инспирираше многу имитатори кои сакаат да го споделат истиот успех од купувањето и држењето криптовалути за да ги зголемат цените на своите акции. Компании како што се „Меар“ (Mare), „Гејмстоп“ (Gamestop), „Семлер“ (Semler) и „Трамп медиа“ (Trump Media) објавија планови за користење готовина за купување на криптовалутата, но ниту една од нив не успеа да ги повтори успесите што ги ужива компанијата на Сејлор.

Акциите на „Стратеџи“ денеска пораснаа за околу 3,4 проценти, на 387,30 долари, а од јули 2020 година се во пораст од над 3.000 проценти. Во истиот период индексот S&P 500 се искачи за околу 93 проценти, додека биткоинот се зголеми за околу 1.060 отсто.

Во моментов нема коментари за веста. Биди прв да коментира...

Остави коментар