Преговарачите на Европската Унија и на САД продолжуваат со интензивни преговори во обид да постигнат трговски договор до 1 август, кога САД ќе воведат царини од 30 проценти на поголемиот дел од извозот од Европската Унија. Според „Блумберг“, официјалните лица во Брисел се подготвени да прифатат дури и договор што оди во корист на САД доколку тоа е неопходно за да се прекине застојот во односите со Вашингтон. Сепак, двете страни сè уште не успеале да постигнат напредок и покрај минатонеделните преговори во Вашингтон, тврдат извори запознаени со ситуацијата.
ПОЛИТИКА
Германија и САД на чекор до договор за испорака на системи „патриот“ на Украина
Германија и САД се блиску до договор за испорака на системи за противвоздушна одбрана „патриот“ на Украина. Според условите на договорот, Берлин треба да испрати две батерии од ПВО-системот од сопствените резерви, додека САД ќе го надоместат тоа вооружување од своите индустриски резерви, според извори запознаени со преговорите. Германскиот министер за одбрана Борис Писториус порача дека Берлин ќе даде свој придонес за, „што е можно побрзо“, да помогне во испораката на вкупно пет системи „патриот“ на Украина.
Бесент: Да се преиспита одлуката за реновирање на седиштето на Фeд
Американскиот министер за финансии Скот Бесент порача дека треба да се преиспита одлуката за реновирање на седиштето на Федералните резерви во Вашингтон. Тој додаде дека Фед треба да спроведе „детална внатрешна ревизија на своите операции што не се поврзани со монетарната политика“. Да потсетиме, Трамп минатата недела изјави дека првиот човек на Фед, Џером Пауел, веќе е под истрага поради реновирањето на зградата на Фед, чија цена изнесува 2,5 милијарди долари. Еве што вели за случајот Џаред Бернстин, поранешен главен економист на Белата куќа.
БЕРЗИ
Европа
Фјучерсите на европските акции утрово се тргуваат во минус и паднаа за 0,5 проценти. Да потсетиме, европските акции во понеделникот завршија со мешани резултати, бидејќи сè уште постои неизвесност околу најавените американски царини кон Европската Унија.
САД
И фјучерсите на американските акции се тргуваат претежно со загуби, додека трговците ги очекуваат кварталните резултати на големите технолошки компании како „Тесла“ (Tesla) и „Алафабет“ (Alphabet). Компаниите со голема пазарна капитализација ја започнуваат сезоната на објавување деловни резултати неделава. Влогот, според „Блумберг“, повторно е висок бидејќи инвеститорите бараат најнови информации за трошоците поврзани со вештачката интелигенција. Фјучерсите за S&P 500 паднаа за 0,1 процент, откако индексот затвори на рекордно ниво.
Азија
И акциите во азиско-пацифичкиот регион се тргуваат мешано. Со акциите во континентална Кина се тргува претежно во зелено, додека јапонските акции го сменија трендот и сега бележат загуби. Причина е политичката неизвесност што настана откако владејачката партија го загуби мнозинството во горниот дом на парламентот. Јапонскиот јен исто така е во пад поради загриженоста за зголемена фискална потрошувачка, а приносот на јапонските 40-годишни обврзници е зголемен. Азискиот индекс на акции MSCI падна за 0,4 проценти, откако порасна во вторникот рано наутро.
.webp){kind=icon}
Во моментов нема коментари за веста. Биди прв да коментира...