Претседателот на САД, Џо Бајден на отворањето на Самитот на НАТО во Вашингтон изјави дека Алијансата е „помоќна од кога било“, бидејќи се соочува со „клучен момент“ во војната помеѓу Русија и Украина.
Бајден предупреди дека „автократите го урнаа глобалниот поредок“ и најави дополнителна воена помош за Киев, која би вклучувала повеќе батерии на моќните американски системи за противвоздушна одбрана од типот Патриот, како и други системи за зајакнување на украинската ПВО.
Прочитајте повеќе: НАТО одбележува 75 години: Колку чини членството?
„Војната ќе заврши со тоа што Украина ќе остане слободна и независна земја. Русија нема да победи, Украина ќе победи“, посочи Бајден.
Според Би-би-си „во услови на зголемени повици за негово повлекување од ноемвриските претседателски избори во САД по неговиот слаб настап во телевизиската дебата со републиканскиот кандидат Доналд Трамп кон крајот на минатиот месец, демократот Бајден го искористи својот говор за да ги спротивстави своите надворешнополитички ставови со оние на неговиот ривал“.
„Франс прес“ пак наведе дека Самитот е во сенка на Трамп, иако тој не е присутен, бидејќи многу од сојузниците се загрижени за иднината на НАТО доколку на власт дојде човекот, кој ја нарече Алијансата „застарена“ и се закани дека нема да ги брани земјите кои не даваат доволно пари за одбрана.
.webp){kind=icon}
