„Дајсон“ (Dyson) соопшти дека не успева да одржи залихи од својот пренослив вентилатор Хашџет Мини Кул од 100 долари, откако беше претставен во април, наведувајќи дека главната причина се високите температури, особено во градовите каде што луѓето многу пешачат. Кога „Дајсон“ ќе ги обнови залихите на партнерските платформи како „Амазон“ (Amazon) и „Бест бај“ (Best Buy), вентилаторот обично се распродава за неколку часа, додаде компанијата.
„Реакцијата на потрошувачите беше неверојатна и ги надмина очекувањата на „Дајсон“, рече портпаролот на компанијата. „Побарувачката очигледно постои, особено како што растат температурите, и со нетрпение очекуваме да го задржиме тој тренд преку проширена палета на бои и обновување на залихите во наредните недели.“
„Дајсон“ е една од поновите компании што нуди луксузна верзија на едноставниот батериски вентилатор, влегувајќи во директна конкуренција со многу подостапни модели кои на „Амазон“ и во големите малопродажни синџири најчесто чинат меѓу 10 и 30 долари. Во март, „Шарк Нинџа“ (SharkNinja Inc.) го претстави вентилаторот за лична употреба и системот за ладење Чилпил Персонал Фен енд Кулинг Систем (ChillPill Personal Fan and Cooling System) од 150 долари, кој може да се носи околу вратот, да се прицврсти или да се држи во рака, а има и функција за распрскување фина водена магла. Идејата, без разлика дали доаѓа од „Дајсон“ или од „Шарк“, е дека за поквалитетно изработен и помоќен вентилатор вреди да се плати повеќе.
Прочитај повеќе
Топлотниот бран ги урива температурните рекорди низ Европа
Силен топлотен бран се заканува да ги урне температурните рекорди од Франција и Обединетото Кралство до Шпанија и Германија, носејќи ризици за транспортот, енергетските системи и јавното здравје.
23.06.2026
Екстремни потези при екстремна жештина: Би носеле ли шорцеви на работа?
Јапонија за првпат им дозволува на државните службеници да носат шорцеви на работа, а компаниите се охрабруваат да го следат примерот како дел од борбата против сè поекстремните летни температури. Но каде е границата помеѓу лежерното и несоодветното?
29.05.2026
Науката повеќе не може да предвиди колку ќе биде силен следниот топлотен бран
Две третини од смртните случаи за време на најновиот топлотен бран во Европа се поврзани со климатската криза, покажува најновата анализа.
21.07.2025
Хашџет Мини е доволно мал за да го собере во повеќето женски чанти/фото: Chris Welch/Bloomberg
Кај „Дајсон“, предност е тоа што токму движењето на воздухот е она по што компанијата е препознатлива. Брендот веќе е познат по своите премиум правосмукалки, фенови за коса и прочистувачи на воздух. Дизајнот на Хашџет Мини ги презема препознатливите елементи на „Дајсон“, без видливи лопатки. Компактен е, едноставен за користење и обезбедува силен проток на воздух со неколку нивоа на брзина, вклучувајќи максимална брзина на струење од нешто помалку од 90 километри на час.
Вентилаторот доаѓа и со држач, па може да се користи на работна маса или на ноќна масичка пред да го ставите во чантата. Достапен е во повеќе бои, меѓу кои розова, црвена и сина.
Но, постојат и некои работи кои треба да се знаат. И покрај ремчето за носење околу вратот, струењето на воздухот не допира до лицето кога вентилаторот виси, па најверојатно ќе сакате да го држите во рака. Освен тоа, потежок е отколку што би очекувале, што може да стане напорно ако го носите цел ден или ако ви виси околу вратот.
Иако „Дајсон“ го нарекува „Хашџет“, тој е не е тивок. Звукот на вентилаторот е многу забележлив на јавни места, како во јавен превоз или во канцеларија. Замислете го звукот што го создава лаптоп кога ќе се прегрее. На отворено, бучавата полесно се губи во позадина, особено на прометни места.
И траењето на батеријата остава простор за подобрување. Компанијата ветува околу шест часа работа со едно полнење, но при нашето тестирање вентилаторот траеше значително пократко. Тоа треба да го имате предвид пред да го изберете најгласниот режим, со брзина на струење на воздухот од речиси 90 километри на час.
Ако сте подготвени да издвоите повеќе пари, Хашџет Мини Кул добро ја извршува својата основна задача – ги прави големите жештини поподносливи. Само проценете дали можете да ги поднесете бучавата и љубопитните, а понекогаш и неодобрувачки погледи од минувачите.
.webp){kind=icon}
