Астронаутите на претстојната мисија на НАСА ќе се упатат кон Месечината со стил, дотерани во скафандери од „Прада“ (Prada).
Италијанската модна етикета ќе соработува со „Аксиом спејс“ (Axiom Space) на следната генерација вселенски костуми што ќе се користат за мисијата „Артемида III“ (Artemis III) на НАСА планирана за 2025 година, се наведува во соопштението на компаниите од средата. „Артемида III“ ќе биде првото слетување на Месечината со екипаж по „Аполо 17“ во 1972 година и ќе вклучува една жена во рамките на мисијата.
При изборот на партнер за дизајн на костумот, развивачот „Аксиом“ ја наведе техничката експертиза на „Прада“ со материјалите, техниките на производство и „иновативните дизајнерски концепти“.
Инженери од брендот во сопственост на „Прада холдинг“ (Prada Holding S.P.A.) ќе работат со тимовите на „Аксиом“ во текот на процесот на дизајнирање и ќе развијат решенија за материјали и дизајнерски карактеристики за заштита „од уникатниот предизвик на вселената и лунарната средина“.
Маркетинг-директорот на групацијата Лоренцо Бертели рече дека брендот ја усовршил својата експертиза со врвни технологии во соработката со својот тим за едрење „Луна роса прада“.
НАСА во април објави дека програмата „Артемида“ ќе ги вклучи Кристина Кох и Виктор Гловер, првата жена и првиот црнец што ќе патуваат во длабоката вселена.
.webp){kind=icon}
