.webp){kind=icon}
По елегантните часовници од 60-тите и 70-тите има треска веќе неколку години - без разлика дали се работи за винтиџ „Омега Женев“ (Omega Genève) од 60-тите со златен бројчаник со ленена текстура или ново издание како што е линијата „Херетиџ хронометар селебрејшн“ (Heritage Chronometer Celebration) од Карл Ф. Бухерер, која се препушта на металните мрежести ремчиња од ерата. Значи, што е следно во ретро ротацијата? Смелиот, светол шик од 80-тите, се разбира. Тогаш, поло часовниците на „Пиге“ (Piaget) се носеа во комбинација со мокасини од „Г.Х. Бас“ (G.H. Bass) и шарени поло маици од „Ралф Лорен“ (Ralph Lauren); ваквиот ансамбл беше обележје на елитизмот од кантри клубовите во Нова Англија до лежерниот калифорниски кул. Овој месец, марката повторно го издава својот најпрепознатлив часовник од тој период како „Поло 79“ (Polo79), со пругаста конструкција што изгледа како да е издлабена од едно парче од 18-каратно жолто злато.
КОНКУРЕНЦИЈА
• Неколку недели пред „Пиге“ да го објави „Поло 79“, „Булгари“ (Bulgari) повторно го претстави својот часовник од 80-тите, едноставниот жолто-златен „Булгари Булгари“ (Bulgari Bulgari) што го носеше Џорџ Мајкл, за 13.200 долари.
• Зборот „Ролекс“ (Rolex) е спомнат 26 пати во „Американски психопат“ на Брет Истон Елис; тоа беше омилен бренд за неговиот психопат, Патрик Бејтмен, кој ја одбележа деценијата. Актуелниот „ГМТ Мастер 2“ (GMT-Master II) не доаѓа во омилената боја на Бејтмен, коскеста, но златната верзија од 38.900 долари вреска „осумдесетти“!
• За да ја доживеете деценијата со попуст, изберете „Булова компјутрон“ (Bulova Computron) од 395 долари - блескава, позлатена кутија што го покажува времето на олдскул, црвен екран со седум сегменти.
ЗАВРШЕН ЗБОР
Оригиналниот „Поло“ излезе во 1979 година како одговор на клиентите кои беа навикнати на елегантните часовници на „Пиге“, но сакаа нешто поспортско - знаете, за јавање коњи и излегување во ноќни клубови како „Студио 54“ (Studio 54). Куќиштето и ремчето се споени со серија од наизменични брусени златни блокови и полирани спојници, кој овозмижуваат тешкиот часовник цврсто да лежи на зглобот. Како и многу часовници од 80-тите, повеќето верзии на „Поло“ беа на батерии. Сега, во чест на 150-годишнината на брендот, „Пиге“ внесе едно од своите ултратенки движења - 1200П1 внатрешен калибар на самовиткување - во новата верзија од 38 милиметри. Позадината од сафир е свеж додаток, што овозможува со леснотија да ѝ се восхитувате на механиката. Но, сепак, не носите дебел златен часовник поради механиката, нели? Цена: 73.000 долари
