Ексклузивно интервју со потпретседателката на „Дамијани“: Луксузот во новото време

Со речиси еден век традиција, „Дамијани“ (Damiani) е синоним за италијанска префинетост, занаетчиска совршеност и семејна посветеност. Основана во 1924 година во Валенца, престолнината на италијанското златарство, компанијата денес останува еден од последните независни семејни брендови на луксузен накит во светот. Она што започнало како мала златарска работилница под водство на Енрико Граси Дамијани, прерасна во меѓународно призната куќа на висока уметност во изработката на накит.

Во ексклузивно интервју за македонскатa редакција на „Блумберг Адрија“, Силвија Граси Дамијани, потпретседателка на компанијата и внука на основачот, зборува за значењето на наследството, за еволуцијата на луксузот и за тоа како брендот останува релевантен за новите генерации на купувачи. Нејзината визија е јасна: луксузот денес повеќе не се мери само со вредноста на материјалите, туку и со приказната, автентичноста и емоционалната врска што ги создава. Во ова можевме да се увериме и во текот на промотивниот настан на „Дамијани“ во „Шато Камник“ во организација на Божиновски часовници и накит.

Depositphotos

Семејството Дамијани го води брендот преку три генерации, притоа задржувајќи ги суштинските вредности – интегритет, креативност и исклучителна изработка. Сите парчиња се рачно изработени во Валенца, и секое раскажува уникатна приказна.

Разговаравме со Силвија Дамијани за тоа како брендот одговара на променливите навики на купувачите, кои сè повеќе бараат значење, одржливост и етички пристап, како и за улогата на занаетчиството во модерната дефиниција на луксузот. Според неа, иднината на луксузот е свесна, одговорна и исполнета со емоции – токму како секое парче накит на „Дамијани“.

Силвија Дамијани  Damiani

Што значи наследството за вас лично и како го одржувате релевантно во денешниот динамичен свет на луксузот?

Наследството, за мене, е живо наследство — мешавина на вредности, страст и занаетчиство што се пренесува низ генерациите. Не станува збор само за зачувување на минатото, туку и за негово понатамошно надградување со цел и визија. Во „Дамијани“ (Damiani), наследството значи почитување на уметноста и извонредноста што мојот дедо ја започна во 1924 година, и што моите родители, Дамијано и Габриела, ја продолжија, додека постојано се развиваме за да ги задоволиме очекувањата на новата, глобална генерација на клиенти на луксуз. Задржувањето на ова наследство релевантно денес бара длабока почит кон традицијата, но истовремено, бара и набљудување на она што нè опкружува, еволуцијата на општеството и потребите на луѓето. Иако одговараме на новите потреби на нашите клиенти, ние сè уште се стремиме да креираме безвременски накит, останувајќи верни на нашите корени: италијанско занаетчиство, семеен интегритет, креативност, страст. Луксузот веќе не се однесува само на поседување — тој е емоција, значење и поврзаност. Тоа се прибежишта каде нашето наследство ја наоѓа својата сила.

Промотивен настан на „Дамијани“ во „Шато Камник“ Извор: Божиновски часовници и накит

„Дамијани“ е познат по своето извонредно занаетчиство. Што го дефинира италијанскиот луксуз денес — и што ги прави дизајните на „Дамијани“ безвременски, а сепак модерни?

Италијанскиот луксуз денес е дефиниран од автентичност, наследство, занаетчиство и вродено чувство за убавина. Не се работи само за тоа што го создаваме, туку и за тоа како го создаваме — преку страст, креативност и почитување на традицијата. Во „Дамијани“, занаетчиството е култура. Секој дел е дизајниран и изработен рачно во Валенца, комбинирајќи ја извонредноста на нашата златарска традиција со современа визија за елеганција. Она што ги прави нашите дизајни безвременски е нивната душа — парчиња кои раскажуваат приказна, кои носат емоција и значење. Но исто така знаеме колку е важно да еволуираме, додека секогаш остануваме верни на нашите корени. Оваа рамнотежа помеѓу наследството и иновацијата е она што го прави „Дамијани“ незаборавно модерен, а сепак вечен и класичен.

Промотивен настан на „Дамијани“ во „Шато Камник“ Извор: Божиновски часовници и накит

Можете ли да ни откриете нешто за некоја колекција или парче што е посебно значајно за вас?

Постојат многу колекции кои имаат специјално место во моето срце, особено нашите класици, како култната колекција „Бел Епок“ (Belle Epoque), инспирирана од рамката на филмска лента, каде се редат кругови и прави линии, создавајќи чувство на динамика — крстот од колекцијата „Бел Епок“ е еден од нашите „must have“ производи глобално; модерната „Маргертира“ (Margherita), чиј оригинален дизајн беше создаден од нашиот дедо, инспириран од кралица Маргерита од Савој, сакана и почитувана по нејзината убавина, елеганција и личност; последно, но не и најмалку важно, романтичната колекција „Мимоза“ (Mimosa), инспирирана од растението мимоза, чиј накит е изработен со техника што ја нарекуваме „очигледен хаос“ (англ. apparent chaos), со користење на техника која дава тридимензионалност и сјај на накитот.

Промотивен настан на „Дамијани“ во „Шато Камник“ Извор: Божиновски часовници и накит

Кои се клучните бизнис стратегии што овозможија „Дамијани“ да остане конкурентен на глобалниот пазар на луксуз, особено во услови на менување на потрошувачките навики?

На стратешко ниво, работиме на силна глобална експанзија на малопродажбата на многу пазари во светот, бидејќи сфативме дека клиентите на луксуз бараат автентичност која „Дамијани“, со своето богато наследство што трае повеќе од еден век, може да им ја понуди. Нашот накит се извонредно рачно изработени во Валенца, со најголемо внимание на деталите и квалитетот на суровите материјали; накитот на „Дамијани“ раскажува приказни, тие симболизираат силни вредности. Мислам дека главната причина зошто останавме конкурентни цел еден век е што секогаш сме биле верни на себе. Бидејќи сме семејна компанија, оваа патека за брендот беше осигурена од самиот почеток.

Промотивен настан на „Дамијани“ во „Шато Камник“ Извор: Божиновски часовници и накит

Нашата приказна започна со мојот дедо Енрико, чии вештини како мајстор-златар брзо го направија референтен поим помеѓу истакнатите италијански аристократски семејства. Мојот татко Дамијано и мојата мајка Габриела му се придружија и дадоа силен иновативен поттик на компанијата. Така „Дамијани“ стана бренд, освојувајќи сè поголема меѓународна публика, со своите иновативни дизајни, кампањи за комуникација со меѓународни филмски ѕвезди... По смртта на мојот татко во 1996 година, компанијата премина во рацете на Гвидо, Ѓорџо и мене. Со тројцата на чело, Damiani ја прошири својата мрежа на малопродажа и го забрза процесот на интернационализација. Нашите вредности се пренесуваат од генерација на генерација, со страст и интегритет, а нашата улога е да ги заштитиме и пренесеме на следната генерација. Мислам дека нашите клиенти секогаш знаеле за тоа и го ценат.

Промотивен настан на „Дамијани“ во „Шато Камник“ Извор: Божиновски часовници и накит

Дали забележувате некакви промени кај новата генерација на купувачи?

Апсолутно. Новата генерација на клиенти на луксуз е многу поаналитична, љубопитна и емоционално поврзана со тоа што избираат да го носат или инвестираат. Тие бараат повеќе од убавина — тие сакаат значење, транспарентност и вредности кои се усогласуваат со нивните. За нив, луксузот не е само статусен симбол, туку израз на идентитет и намери. Во „Дамијани“, оваа промена ја гледаме како можност. Ние се поврзуваме со помладите клиенти преку раскажување приказни, транспарентност и дизајни кои ги одразуваат и традицијата и индивидуалноста. Тие го ценат нашето наследство, но истовремено очекуваат иновација и одговорност. Овој нов дијалог е инспиративен — нè поттикнува да еволуираме додека остануваме верни на тоа што сме.

Силвија Дамијани Damiani

Како го дефинирате вистинскиот луксуз во светот полн со шум?

Во денешниот свет, каде сè се движи многу брзо, вистинскиот луксуз е автентичност, емоција и безвременска убавина. Луксузот е создаден со грижа, со значење и со душа. За мене, вистинскиот луксуз не е гласен, туку дискретен, безвременски и личен. Во „Дамијани“, веруваме дека вистинскиот луксуз лежи во рацете на нашите занаетчии, во приказните зад секоја креација и во вредностите што ги држиме како семејна куќа. Луксузот е време: времето посветено на извонредност, на наследство, на односи. Тоа е она што му дава вистинска, трајна вредност на нашиот накит.

Промотивен настан на „Дамијани“ во „Шато Камник“ Извор: Божиновски часовници и накит

Како ja гледате иднината на луксузот?

Ја гледам иднината на луксузот како сè поодговорна и водена од емоции. Луксузот денес оди подалеку од самиот предмет — тој ја опфаќа неговата приказна, занаетчиството и вредностите што ги претставува. Новите генерации се пољубопитни и поодговорни, и поставуваат подлабоки прашања. Комбинирајќи традиција со иновација, италијанско занаетчиство со етика, и безвременски дизајн со лично значење, ние градиме иднина во која луксузот не е само посакуван, туку и свесен и со цел.