Нагиб Савирис, 68-годишниот египетски тајкун ќе го има своето диџејско деби на Bibo’s Music Night чиј домаќин е ноќен клуб во Каиро овој викенд.
„Подгответе се за ноќ како ниедна друга, беше објавено денеска на инстаграм профилот на Музејот Каиро откако ја споделиле информацијата за свирката на Савирис. На објавата има фотографија на Савирис во спортски капут и отворена јака.
Со неограничени средства за раскошно хоби, ултра богатите можат да се рекреираат на различно ниво од повеќето други луѓе. Марк Цукерберг, на пример, еднаш изјави дека секојдневно или сурфа или се забавува на другначин во вода, додека Џек Ма имитираше рок ѕвезди пред илјадници вработени во Алибаба.
Диџејството е доста анимирачка работа, се прави пред голема публика и бара размислување во лет, вклучително и неискажлива способност за читање и одговор на толпата која игра, скока или пее. Дејвид Соломон од Goldman Sachs Group Inc., кој започна како Диџеј Д-Сол, на пример, не секогаш ги добиваше најдобрите критики, иако сè уште настапува и ќе треба да се качи на сцената на музичкиот фестивал Lollapalooza во Чикаго следниот месец.
Сепак, ако некој може да го издржи вниманието на јавноста, тоа е Савирис. Милијардерот, кој ја основа либералната политичка партија Слободни Египќани, е познат по своите коментари. Богатството го создаде вложувајќи во телекомуникациски бизниси и рудници на злато и обложувајќи се. Савирис вреди 4,6 милијарди долари, а неделава што измина тој ја исмеа претпазливоста на францускиот претседател Емануел Макрон во преговорите со Владимир Путин, нарекувајќи го рускиот претседател „Хитлер во создавање“. Во животот се соочи и со соочи со смртни закани откако објави слика на Мики и Мини Маус во исламска облека на Твитер, што ги налути конзервативните муслимани и поттикна бојкот на неговите компании.
Друга работа по која е познат Савирис е уживањето во ноќниот живот. Познато е дека тој доаѓа во канцеларијата облечен во клупска облека од претходната ноќ и се фали со своите таленти за танцување салса пред своите 7,8 милиони следбеници на Твитер.
Син на индустријалец милијардер, Савирис и неговите двајца браќа, секој независно станаа милијардери во одделни области. Самих е хотелски магнат, а Насеф е магнат за вештачко ѓубриво и градежништво. Нагиб го изгради Ораском Телеком во една од најголемите мрежи на пазарите во развој, проширувајќи се во Ирак, Бангладеш и Северна Кореја. Тој стана главен играч во Европа по тогаш рекордниот откуп од 15 милијарди долари на италијанската Wind Telecomunicazioni во 2005 година.
Ги спои своите телекомуникациски интереси со рускиот ВимпелКом шест години подоцна и набргу потоа ја продаде својата позиција за речиси 4,1 милијарда долари, префрлајќи голем дел од тие приходи во злато. Неговата холдинг групација Ла Манча е најголемиот инвеститор во рудниците за злато Endeavour Mining Plc и Evolution Mining Ltd.
.webp){kind=icon}
