.webp){kind=icon}
Шеикот Џасим бин Хамад Ал Тани поднел конечна понуда од околу пет милијарди фунти (6,3 милијарди долари) за Манчестер Јунајтед, еден од најпознатите светски фудбалски тимови, велат познавачите на ситуацијата.
Британскиот милијардер Џим Ретклиф, главниот ривал на катарската групација на шеикот Џасим, исто така поднесе конечна понуда за контрола на клубот до крајниот рок кој истече вчера, соопштија изворите, кои сакаа да останат анонимни, бидејќи информациите се уште не се јавни.
Понудата на шеикот Јасим се состои од пет милијарди фунти кои треба да ги добијат продавачите, плус дополнителни суми за клупски објекти и други инвестиции, рече еден од изворите.
Трансакција по таа цена би се сметала за најголема зделка што некогаш вклучувала спортска франшиза, надминувајќи ги 4,65 милијарди долари платени минатата година од групацијата предводена од наследникот на „Волмарт“ (Walmart Inc), Роб Волтон, за Денвер Бронкос од Националната фудбалска лига.
Понудите на двата ривали во третото коло требаше да се достават до 22 часот синоќа по лондонско време. Двете страни одбија да коментираат.
Семејството Глејзер, кое моментално е сопственик на Манчестер Јунајтед, ја ангажираше инвестициската банка Рејн Груп (Raine Group) за да поттикне интерес за некогаш доминантниот англиски тим од Премиер лигата. Клубот киксираше во последните години и беше во сенка на неговите главни ривали, Манчестер Сити.
Рејн минатата година беше задолжен и за продажба на ФК Челзи. Додека за Челзи се одвиваше жестока тендерска војна, шеикот Џасим и Ретклиф беа единствените две страни кои јавно изразија интерес за купување на Манчестер Јунајтед, откако зголемените каматни стапки во комбинација со она што многумина го видоа како прекумерно вреднување, одвратија многу понудувачи.
