Португалскиот фудбалски интеранационалец Кристијано Роналдо верува дека лигата на Саудиска Арабија ќе стане една од најсилните во светот.
„Лигата на Саудиска Арабија станува посилна секоја година. Следната година ќе биде уште подобра. Чекор по чекор ќе стане една од најдобрите пет лиги во светот. Но, треба време, играчи, инфраструктура. Сепак, верувам дека оваа земја има неверојатен потенцијал, неверојатни луѓе овде. Лигата ќе биде одлична“, изјави напаѓачот на Ал-Наср по синоќешната победата на Ал-Шабабу со 3:2.
Роналдо е едно од големите фудбалски имиња кои играат во Саудиска Арабија. Понуди за продолжување на кариерата во оваа земја веќе има за повеќе фудбалски ѕвезди од Европа.
„Блумберг Адрија“ веќе објави дека според некои податоци, кралството наводно е подготвено да му плати на аргентинскиот фудбалски виртуоз Лионел Меси 400 милиони долари годишно за да го помине остатокот од кариерата играјќи во оваа заливска земја. Сумата, која е огромна дури и според стандардите за фудбалска ѕвезда, е само еден во низата потези на владетелите на Саудиска Арабија, веќе познати по милијардите вложени во спортот, уметноста и музиката.
Обемот на трошење ја направи Саудиска Арабија локација што е невозможно да се игнорира од светската политичка и бизнис-елита. Економијата на кралството беше една од најбрзорастечките во Групата 20 минатата година, поттикната од највисоките цени на нафтата во последната деценија, а сега може да се пофали со седмиот по големина државен фонд во светот, кој врти милијарди дома и во странство.
Кон крајот на 2022 година, португалската фудбалска суперѕвезда Кристијано Роналдо потпиша договор со клубот Ал-Наср вреден 200 милиони долари годишно. Нешто повеќе од една година претходно, Фондот за јавни инвестиции на Саудиска Арабија го предводеше конзорциумот што го купи англискиот фудбалски клуб Њукасл за повеќе од 300 милиони фунти (373 милиони долари). Саудиска Арабија размислува за заедничка кандидатура за домаќин на Светското првенство во фудбал во 2030 година, имајќи предвид дека неодамна беше сведок на успехот на турнирот во соседен Катар.
.webp){kind=icon}
