.webp){kind=icon}
Новата платформа за дигитални состаноци ветува помалку, не повеќе, во светот на онлајн запознавањето, а корисниците ќе плаќаат 111 долари месечно за тоа.
Нивната понуда за 2023 година? Вештачка интелигенција, се разбира.
Според моделот на премиум-членство, Телепорт има цел да поттикне романса и да освои дел од пазарот на апликации за запознавање вреден 4,6 милијарди долари, користејќи притоа посредник со вештачка интелигенција што собира информации за секоја активност на корисниците - вклучувајќи и тоа кои се петте профили што тие секојдневно ги гледаат, како и кому му испраќаат пораки и информации за состаноците на кои биле. На корисниците ќе им бидат препорачувани по три оптимизирани врски неделно, но ќе можат да комуницираат само со една од понудените.
„Размислувам за моите искуства - од вкупниот број луѓе со кои сте добар спој, можеби ќе стапите во контакт со десетмина и можеби ќе одите на два состанока“, вели Бруна Петрило, директорка за членство во Телепорт. „Тоа не е навистина дизајнирано да запознаете личност. Не е дизајнирано за вистински успех. Дизајнирано е за овој парадокс на избор“.
Depositphotos
Што се однесува до цената, основачот Чад Гудман, ветеран на апликацијата за запознавање, кој претходно ги лансира Лусид (Lucid) и Фрстдејт (Firstdate), истакнува дека плаќањето за производ ги разликува оние што се сериозни за наоѓање врска од оние што не се, што влијае на репутацијата на компанијата. „Тука сме да ја најдеме вистинската личност за вас“, вели тој.
Пазарот на апликации за запознавање речиси тројно се зголеми од 2015 до 2021 година, покажуваат податоците на „Биниз оф апс“ ( Business of Apps), со активна корисничка база од 323 милиони. Само малку повеќе од една третина од луѓето на апликациите за запознавање некогаш платиле за користење на услугата, се наведува во истражувањето спроведено од истражувачкиот центар „Пју“ (Pew) во февруари. Луѓето со повисоки примања имаат поголема веројатност да платат за членство од оние со пониски примања, како и мажите и лицата постари од 30 години.
Компанијата „Меч груп“ (Match Group Inc.) објави дека во 2022 година, 16,1 милиони корисници платиле за претплата, купување по барање или и двете, приближно во согласност со резултатите од претходната година, за целото нивно портфолио на апликации, кои вклучуваат: Тиндер (Tinder), Хинџ (Hinge), ОК Кјупид (OKCupid), Пленти оф фиш (Plenty Of Fish) и Меч (Match).
Претплатата беше ограничена на 5.000 платени члена кога апликацијата беше лансирана на 1 јуни во Њујорк. Д лиг (The League), која минатата година беше купена од „Меч груп“ за околу 30 милиони долари и се позиционира како апликација за „академската елита“ (како Ајви-лигата), испроба слична стратегија за членство, преку препорака, кога за првпат се појави во 2014 година. Сега нуди основна бесплатна услуга што овозможува ограничено корисничко искуство.
Bloomberg
Телепорт собра шест милиони долари од „Драгонфлај капитал“, „Бакли венчрс“ и други инвеститори во два круга и планира да ја прошири услугата во Лос Анџелес и во Мајами, како и да воспостави дополнителни нивоа на членство што нудат консултации еден на еден. (Гудман одби да каже колку би можеле да чинат тие нивоа.)
На групата од 44 основачи ѝ е дозволено да препорача пријатели и познаници за потенцијално членство, создавајќи „колектив“ на луѓе од широк опсег на родови идентитети и сексуални ориентации. Апликацијата, која ја ограничува базата на потенцијални партнери, како и бројот на профили што секојдневно се опслужуваат, има цел да го поттикне ангажирањето и да го намали механичкото прелистување (swipe).
Задачата за механичко прелистување, иако е веднаш препознатлива во ерата на апликациите за запознавање, всушност е штетна за корисничкото искуство. Студијата на истражувачите од Универзитетот во Виена покажа дека „прекумерното листање“ го поттикнува стравот кај луѓето дека нема да најдат љубов никогаш и ги обзема корисниците со премногу опции.
Тиндер, врвот на културата на прелистување, првпат беше лансиран во 2012 година и го одржува најголемиот удел на пазарот во индустријата за апликации за запознавање. Со текот на годините, апликациите се обидоа да се разликуваат преку функцијата и цената, со премиум-нивоата на претплата што ветуваат дека ќе го придвижат својот пат кон врвот.
Бамбал бара од жените прво да испратат порака кога бараат партнер и нуди премиум-ниво што започнува од 20 долари неделно; нуди и опции за пријателско состанување и професионално вмрежување. Апликациите како Мото и Лекс се наменети за ЛГБТК-популацијата, додека загадочната Раја е позиционирана како апликација за инфлуенсери и познати личности. Голем број дополнителни апликации се насочени кон различни религии, ентузијасти за вежбање, фармери, високи луѓе, па дури и оние што сакаат само да го прошират својот круг на пријатели.
Ејми Нобил, советник за запознавање со седиште во Њујорк, вели дека на луѓето не им требаат повеќе апликации, туку им треба намера. Таа ги советува своите клиенти да плаќаат претплата на апликациите само ако нудат профили, што е дополнителен трошок во споредба со цената на нејзината услуга од 25.000 долари за четиримесечна програма која вклучува советување луѓе преку апликации за запознавање.
„За жал, некои од алгоритмите се ограничувачки, па за да видите кому му се допаѓате, треба да го надградите вашето членство“, вели таа. „Проблемот е: ние сме скептични како потрошувачи, како корисници, како луѓе што само бараат љубов“.
Хинџ, која исто така користи машинско учење за да им покаже на корисниците кој е нивниот „најкомпатибилен“ натпревар, во февруари лансира месечно премиум-ниво од 50 долари за „високомотивирани“ корисници што сакаат нивниот профил да биде пред другите во апликацијата. Во меѓувреме, почнувајќи од јануари, ВИП-нивото на Д лиг чини 2.500 долари месечно (или 1.000 долари неделно) и им овозможува на корисниците да гледаат допаѓања, веднаш да се поврзат со луѓето и да ја сокријат нивната возраст и многу други напредни функции, кои се обврзуваат на повеќе од основното ниво, услуга што чини 100 долари неделно. Тиндер тестира опција за 500 долари месечно, која извршниот директор на „Меч груп“, Бернард Ким, во извештајот за заработка на компанијата во четвртиот квартал од 2022 година ја нарече „ултрапремиум-ниво на претплата“.
Корисниците што не плаќаат за дополнителни функции често се жалат на социјалните мрежи на сè повисоките цени и на фактот дека апликациите кријат подобри врски како поттик за надградба на членарината. Други се скептични околу тоа дали подобрените опции и другите премиум-карактеристики би направиле значајна разлика во потрагата по дружење. Нобил вели дека пандемијата ги принудила луѓето да му дадат приоритет на она што е „навистина важно... љубовта“.
„Додека нештата како пари и успех во кариерата беа главен приоритет, сега фокусот е на пронаоѓање на вистинската личност - без разлика на цената“, вели Нобил.
Основачот на Телепорт, Гудман, вели дека вештачката интелигенција на апликацијата е способна да посредува во состаноци со партнери за нејзините членови, кои ќе треба да платат најмалку три месеци членство за да го започнат своето „патување“. Тој период, како што вели тој, му овозможува на алгоритамот да научи што бараат луѓето и на крајот да најде долгорочна врска, која ќе трае подолго од периодот на оваа инвестиција. Компанијата организираше настани во живо за да ја прошири листата на чекање и да им помогне на луѓето да се запознаат во реалниот живот.
„Овие поединци сериозно бараат партнер и тие се приклучуваат на Телепорт со одреден степен на решителност за тоа“, вели Гудман за основачите на апликацијата и нивниот круг на влијание. „Иднината на запознавањето не е во апликациите, туку во посредувањето“.
