Андриа Мицакос последните три децении се занимавала со односи со јавноста за луксузни хотели во Европа и на Карибите, вклучувајќи и речиси 20-годишно водење сопствена компанија за комуникации. Меѓутоа, кога пандемијата практично го запре туризмот и Мицакос се најде заглавена во Грција, грчко-американската претприемачка се фокусирала на реновирање на селската куќа што ја поседува на кикладскиот остров Парос. Во текот на летото 2020 година, додека хотелите низ светот ги држеа своите врати затворени, таа соработувала со локални занаетчии за да создава предмети од рециклирани материјали, а истовремено на интернет барала месингани кваки, старински мебел и други елементи.
Како што сè повеќе напредувала во процесот на реновирање и почнала да споделува фотографии од приспособени и уникатни парчиња што ги наоѓала на социјалните мрежи, клиентите и пријателите сакале да се потпрат на нејзината смисла за естетика, обликувана за време на нејзините многубројни патувања и собирањето занаетчиски предмети и текстил. „Моите клиенти од хотелскиот сектор го користеа намалениот обем на работа за реновирање или редизајнирање“, вели Мицакос. „Но требаше да се најде нов начин да се изразат своите приказни преку предмети“.
Мицакос првично го основа „Антологист“ како онлајн продавница каде што предметите беа достапни за секого, но бизнисот брзо прерасна во специјализирана диизајнерска услуга за хотелиерите. Фотограф: Лулу Даки за „Блумберг бизнисвик“
Таа претходно веќе експериментирала со дизајнерска работа за хотели, помагајќи во пронаоѓањето украсни детали и подароци за гостите. Бидејќи пандемијата ги прекина традиционалните синџири на снабдување, како што вели, можела да се позиционира поформално за да ги понуди своите услуги. Така, во септември 2020 година, таа официјално го отворила „Антологист“ како независна компанија, за да им помогне на хотелите и другите клиенти да најдат уникатни украсни предмети и сувенири за своите гости.
Меѓу предметите што ги набавила има кадифени волнени кози, кои рачно ги изработуваат жени во Мексико, а кои „Бикини исланд енд маунтајн хотел порт де солеј“ (Bikini Island & Mountain Hotel Port de Sóller) во Мајорка им ги остава на гостите како подарок; колекција на садови од црвена глина што ја нарачала од атински керамичар за ресторанот „Меце“ во паркот „Критан Малија“ на Крит; и платнена, ленена и кожена торба за плажа што таа ја дизајнирала, која сега се продава во ресортот „Кап мезон“ на островот Света Луција.
Мицакос првично го основала „Антологист“ како онлајн продавница каде што предметите биле достапни за секого, но бизнисот брзо прераснал во специјална дизајнерска услуга за дизајн за хотелиери, а исто така отворила и продавници за купувачите што се стремат кон специјален дизајн.
Во продавниците може да се најдат мебел, производи од месинг, накит и додатоци што ги дизајнирала таа, а ги произвеле занаетчии од Грција, Италија, Шри Ланка и Мексико, како и интересен избор на старинска облека. Таа наскоро ќе ги додаде своите оригинални парчиња облека и додатоци за плажа, како што е батик-текстил, кој се изработува рачно и се печати во Шри Ланка. „На крајот, никому од нас не му треба ништо“, вели таа. „Сакам да се фокусирам на креирање вредни парчиња“.
Луксузните предмети се изложени во излежбениот салон „Антологист“. Фотограф: Лулу Даки за „Блумберг бизнисвик“
Додека ги усогласува клиентите и вработените во својата пиар-фирма, како и тим од три лица во „Антологист“, Мицакос вели дека го следи клучниот совет од својот прв работодавец, кој сѐ уште е нејзин ментор и клиент: ги презема аспектите на бизнисот за кои се чувствува најспособно и се опкружува со луѓе што се истакнуваат во сè друго.
Нејзиниот ментор, претседателот на ресортот „Елит исланд“, Роб Барет, вели дека Мицакос отсекогаш имала остро око за дизајн и ѝ доверувал да набавува предмети за неговите објекти на Карибите и во Централна Америка. „’Антологист’ е совршен потфат за неа“, вели Барет. „Тоа е стратегиски потег што мислам дека никој во индустријата не го прави, никаде во светот: спој на нејзиното вродено чувство за стил и дизајн со нејзиното искуство, кое има исклучителна примена во угостителството, дополнето со нејзината љубов кон патувањата“.
Мицакос вели дека сака да ги задржи операциите на „Антологист“ скромни и одржливи, но во април 2023 година отворила импозантен изложбен простор во неокласична куќа во запуштен дел од Атина, кој служи како нејзин продажен салон што функционира по принципот на закажување. (Таа исто така има и три помали дуќани во луксузни хотели - еден во градот и уште два на Парос.) „Сакав централен простор што ќе го одразува сето она што го правиме, кој ќе ни овозможува да го претставиме секое парче онака како што заслужува“, вели таа. Тоа било првата и единствена локација што таа ја посетила и речиси веднаш потпишала договор за закуп. „Имав чувство во стомакот“, вели таа. „Интуицијата ме водеше успешно, да чукнам во дрво, 30 години во бизнисот. Мислам дека вреди да ја следам“.
.webp){kind=icon}
