Амрита Шер-Гил, наречена Индиската Фрида Кало, достигна рекордна цена за дело на индиски уметник досега, сума што, иако е скромна според светските стандарди, го одразува растечкиот потенцијал на уметничкиот пазар во земјата.
Сликата „Раскажувачот“ од 1937 на Амрита Шер-Гил година неодамна беше продадена за еквивалент од 7,44 милиони долари, доволно за да се собори претходниот рекорд, кој го држеше С.Х. Разе. Аукциската куќа „Сафронат“ (Saffronart) го продаде платното од Шер-Гил, кое прикажува група жени што разговараат собрани во круг, во Њу Делхи.
Цената можеби не е вчудовидувачка во светот на ретката уметност, каде што најскапите дела достигнуваат десетици, па дури и стотици милиони долари. Сепак, продажбата покажува дека колекционерите на уметност сè уште со нетрпение купуваат уметнички дела од високата класа во сè побогатата Индија.
„Индија е во особено важен момент кога станува збор за оставањето свој белег на глобалната сцена“, рече во интервју Минал Вазирани, коосновач и претседател на „Сафронат“. „Постои доста голем интерес за Индија и индиската култура, како во однос на историските антиквитети, така и во однос на современата уметност.
„Сотби“ ја одржа својата прва аукција во Индија, во Мумбај, во 2018 година, откако ривалот „Кристи“ претходно ги повлече своите аукции од земјата поради слабата продажба.
Богатите Индијци, познати по инвестирањето во злато и недвижности, сè повеќе инвестираат во други средства, вклучувајќи акции и обврзници, а уметноста е уште една алтернатива.
.webp){kind=icon}
