Потрошувачите на луксузни производи сè побрзо ги менуваат своите навики - сѐ повеќе се заинтересирани за животната средина, сакаат да купуваат онлајн, сѐ повеќе го ценат искуството што е поврзано со луксузен производ и сакаат сѐ да биде креирано само за нив. Како што се менуваат пазарот и преференциите на потрошувачите, така и луксузните брендови мора да се приспособат на тие промени за да останат конкурентни.
Масерати гран туризмо трофео. Фото: Promo / Maserati Delta Automoto
На кој начин брендовите можат да ја покажат својата посветеност на одржливоста? Како да ги приспособат своите производи на поединечниот купувач и да создадат посилна емотивна врска? Како да воспостават соработка со други сектори, како што се технологијата или угостителството? Како да им се приближат на пазарите во развој, како што се Кина, Индија или Југоисточна Европа, и да придобијат нови клиенти таму?
Белодорe - регионален синџир на парфимерии. Фото: Promo / Belodore
Одговорите на овие прашања ќе ги дадат говорниците на конференцијата на „Блумберг Адрија“ - „Иднината на луксузот“ („The Future of Luxury“), која ќе се одржи на 4 и 5 октомври во Регент Порто Монтенегро во Црна Гора и ќе собере истакнати експерти, компании и деловни претставници од областа на луксузот од регионот и од целиот свет.
„Иднината на луксузот“, првата конференција во регионот за индустријата за луксузни производи, ќе ја истражи моменталната состојба на пазарот, ќе ги испита новите трендови и технологии и ќе понуди увид и стратегии за луксузните брендови што сакаат да напредуваат во годините што следуваат.
Прстен на Стивен Вебстер од колекцијата The Rebelles. Фото: Promo / Stephen Webster Jewellery
Главен говорник на конференцијата ќе биде едно од водечките имиња во светот на луксузниот накит, основачот и креативен директор на истоимениот бренд за скапоцен накит Стивен Вебстер, кој е и претседател на најстарата куќа за луксузен накит во светот „Гарард“ (Garrard). Неговите парчиња се препознатливи по уникатните форми, богатите бои и употребата на префинети скапоцени камења. Креативноста и експериментирањето се клучен елемент на неговите креации, а Вебстер има богато искуство зад себе - неговиот уникатен накит го носат големи светски ѕвезди: Елизабет Тејлор, Мадона, Ози Озборн, Стивен Тајлер, сер Елтон Џон, Пинк, Кристина Агилера и многу други.
Фото: Promo / Bloomberg Adria
Еден од главните говорници на конференцијата е Ашок Сом, стратег од областа на глобалниот сектор за луксузни производи, автор на повеќе од 110 студии на случај, написи и книги и редовен професор на Катедрата за менаџмент на престижната бизнис-школа ESSEC во Франција.
Фото: Promo / Bloomberg Adria
И тоа не е сè - меѓу говорниците ќе има претставници на индустријата за суперлуксузни јахти, автомобили, недвижности, мода и други индустрии што нудат луксузни производи и услуги, меѓу кои се:
• Фарук Нефзи, маркетинг-експерт на компанијата „Федшип“ (Feadship), конструктор на суперлуксузни јахти
• Александра Ѓурѓевиќ, генерална директорка на компанијата „Делта ауто груп“ (Delta Auto Group - BMW, Mini, Honda, Maserati, KTM и DPA)
• Душан Симиќ, гемолог и експерт во областа на трговијата со дијаманти, генерален директор на „Аналитикал гемолоџи енд џулери“ (Analytical Gemology and Jewlery - AG&J)
• Дејвид Маргасон, генерален директор на Порто Монтенегро
• Маринко Укропина, стратег и консултант во областа на одржливоста на бизнисите, поранешен генерален директор на „СГС Адрија“ (SGS Adria)
• Д-р Игор Вишњар, специјалист по пластична, реконструктивна, естетска и општа хирургија; член на Европскиот комитет за пластична, реконструктивна и естетска хирургија (EBOPRAS)
• Боро Вујовиќ, основач и сопственик на „Оперета риал естејт“ (Operetta Real Estate)
• Аница Раденовиќ, директорка за развој на брендовите на „Фешн компани“ (Fashion Company) и бренд-менаџерка за „ПВХ груп“ (PVH Group)
Во оваа пригода Андреј Кнез, главен аналитичар на „Блумберг Адрија“, ќе претстави анализа на секторот од индустријата за луксузни производи во регионот Адрија и ќе даде прогноза за неговиот понатамошен развој.
Доколку сакате да ја дознаете моменталната состојба и каде се движи индустрија за луксузни производи, како и да добиете веродостојни информации што ќе ви помогнат да донесете вистински деловни одлуки и да се поврзете со бизнис-лидерите од регионот, резервирајте го вашето место на конференцијата уште денеска преку ЛИНКОТ
Спонзори на конференцијата се: Maserati Delta Automoto, Fashion Company, Klinika Višnjar, One & Only Portonovi, BMW, DPC, Belodore, Dukley Hotel & Resort, Divanity, Regent Porto Montenegro, ABP, Bashka Chocolatier, ALBA (Adriatic Luxury Business Association).
.webp){kind=icon}
Во моментов нема коментари за веста. Биди прв да коментира...