text size
Француските Алпи и Солт Лејк Сити се чекор поблиску до одлуката да бидат домаќини на Зимските олимписки и параолимписки игри во 2030 и 2034 година, се наведува во соопштението на Меѓународниот олимписки комитет (МОК).
Извршниот одбор на МОК ги покани Францускиот национален олимписки комитет и Олимпискиот и параолимпискиот комитет на Соединетите Американски Држави (САД) на „целни дијалози“ во врска со организацијата на претстојните зимски настани, соопштија оттаму. Тоа вклучува детални разговори со потенцијалните домаќини, по што ќе се донесе одлука, а официјалното доделување ќе биде на Олимписките игри што се одржуваат во јули следната година.
„Она што особено го привлече вниманието кон проектите на француските Алпи и Солт Лејк Сити-Јута беше нивната визија за искуството на спортистите, усогласувањето со планираниот развој на социјалната и економската ситуација на регионално и национално ниво, како и многу силната поддршка од јавноста и сите нивоа на власта“, рече Карл Штос, претседавач на комисијата за идни домаќини на Зимските олимписки игри.
Солт Лејк Сити веќе беше домаќин на Зимските игри во 2002 година, а неколку луѓе вклучени во процесот да обезбедат градот да стане домаќин по вторпат беа обвинети за местење на процесот.
Покрај тоа, Извршниот одбор на МОК објави дека на Швајцарија ѝ е доделен „привилегиран дијалог“ за идните игри до 2038 година, делумно поради искуството на земјата во организирањето меѓународни зимски спортски настани и достапноста на постојни спортски објекти.
Следните зимски игри се закажани за февруари 2026 година во италијанските градови Милано и Кортина Дампецо.
Во октомври организацијата ја одобри можноста за спроведување на таканаречената „двојна распределба“ на игрите.
.webp){kind=icon}
