Не се исти сите луксузни недвижности. Годинава на пазарот ќе доминираат одржливи имоти, се наведува во годишниот извештај на „Сотби интернешнл риалити“ (Sotheby's International Realty - Luxury Outlook Report).
Извештајот е направен врз основа на анкети меѓу 550 брокери на оваа компанија низ светот. Нико Лаковиќ, партнер и извршен директор на „Монтенегро Сотби“ (Montenegro Sotheby's International Realty), во видеото подолу коментира како и колку се застапени светските трендови во нашиот регион, што ја прави Црна Гора привлечна за инвестирање кога станува збор за луксузни недвижности, кои се купувачите и како периодот по пандемијата влијаеше на нивните барања и приоритети.
И додека извештајот на „Сотби“ предвидува дека одржливите недвижности ќе ги достигнат најдобрите цени, Лаковиќ верува дека купувачите од регионот се водени од емоции, но дека и квалитетот на градбата, дополнителните услуги, безбедноста и природната средина се еднакво важни за нив.
Потребата да се поминува повеќе време со саканите и да се ослободи време за приватен живот, што Лаковиќ го гледа како последица на пандемијата, ги натера купувачите да претпочитаат недвижен имот што е подготвен за непосредно вселување, што се совпаѓа со заклучоците од глобалниот извештај.
Од друга страна, домовите за кои е потребна дополнителна работа може да претставуваат „доходовна можност за вредност“, се наведува во извештајот на „Сотби“. Останува на агентите да ги убедат купувачите дека тој напор е исплатлив, а тука, како што се наведува, на сцена стапува генеративната вештачка интелигенција, која сè повеќе наоѓа примена во овој сегмент, бидејќи, меѓу другото, му помага на купувачот да го замисли потенцијалот на објектот.
.webp){kind=icon}
