.webp){kind=icon}
Ко-основачот на „Гугл“ (Google), Сергеј Брин, им наложил на своите советници да ги продадат неговите лични инвестиции во компаниите на Илон Маск во последниве месеци, откако дознал дека тој имал кратка афера со неговата сопруга, пишува „Волстрит журнал“ (Wall Street Journal).
Маск, ко-основачот на „Тесла“ (Tesla Inc.), на почетокот на декември во Мајами имал наводна врска со Никол Шанахан, објави весникот, цитирајќи анонимни извори запознаени со ова прашање. Тоа му ставило крај на долгогодишното пријателство меѓу Маск (51) и Брин, кој помогна во поддршката на производителот на електрични автомобили за време на финансиската криза во 2008 година. Брин (48) поднесе барање за развод од Шанахан во јануари.
Големината на личните инвестиции на Брин во компаниите на Маск не е позната и не е јасно дали имало некаква продажба, пишува весникот.
Маск е најбогатиот човек на светот со богатство од 242 милијарди долари, според индексот на милијардери на Bloomberg. Брин е осмиот најбогат, со нето богатство од 94,6 милијарди долари.
Аферата е најновата во низата откритија за личниот живот на Маск. Извештаи од претходно годинава посочуваа дека тој станал татко на близнаци родени од висока извршна директорка во неговиот стартап за вештачка интелигенција „Неуралинк“ (Neuralink).
Друга негова компанија, „Спејсекс“ (SpaceX), исплатила на вработена 250.000 долари за да го подмири обвинувањето дека била сексуално вознемирувана од Маск во 2016 година, според „Инсајдер“ (Insider). Маск рече дека обвинувањата се целосно невистинити и се дизајнирани да го попречат неговото купување на „Твитер“ (Twitter Inc.), договор од кој тој сега се обидува да излезе.
Аферата на Маск со Шанахан наводно се случил во декември во „Арт Базел“ (Art Basel) во Мајами, а според „Волстрит журнал“, Маск на друг настан побарал прошка од Бирн.
Брин и Шанахан моментално преговараат за спогодба, при што Шанахан бара повеќе од милијарда долари, според весникот, иако има предбрачен договор.
Во меѓувреме, Маск се огласи во врска со пишувањата на весникот и негираше дека имал афера со сопругата на Сергеј Брин.
Маск во објава на Twitter, каде милијардерот има повеќе од 100 милиони следбеници, посочи дека приказната е невистинита. Според неговите тврдења тој ја видел сопругата на Брин двапати во три години, двата пати во присуство на други луѓе при што немало ништо романтично меѓу нив. Маск исто така нагласи дека сè уште е пријател со Брин.
