text size
„Во иднина ќе сакаме да престојуваме во места што не се само функционални и безбедни туку се и инспиративни и одржливи“, вели архитектот Младен Крекиќ, основач на „Бизнисарт“ (Businessart) со седиште во Милано, човек што има повеќе од 20 години искуство. Тој отворил канцеларии во Белград и во Подгорица, а има проекти и во Хрватска, но Крекиќ стои и зад некои од најиновативните проекти во регионот Адрија, особено кога станува збор за архитектонско и урбанистичко дизајнирање луксузни згради и вили.
Во контекст на сѐ поизразените климатски промени, архитектурата станува клучен фактор во обликувањето на идните туристички и станбени населби. Нас нè интересираше што, од гледна точка на неговата професија, ќе ги обликува местата во кои ќе сакаме да престојуваме во иднина и кои фактори влијаат на тоа.
Ресортот Дакли гарден“ во Порто Монтенегро/ Архитектонско студио „Бизнисарт“
„Кога станува збор за луксузни имоти, без разлика дали се работи за прв или втор дом или, од друга страна, за туристички капацитети, клиентите сѐ повеќе, а особено по пандемијата, во преден план нагласуваат едно барање, а тоа е поврзаноста со природата“, вели Крекиќ. Тој објаснува дека свеста во однос на околината е клучната развојна насока за идните објекти.
Архитектурата ќе се фокусира на создавање енергетски ефикасни згради, како и имплементација на зелени инфраструктури и одржливи заедници што ги интегрираат принципите на одржлив развој во сите аспекти на животот во ресортот односно во објектот.
Вила во Опатија/Архитектонско студио „Бизнисарт“
Се менуваат и очекувањата на клиентите во хотелскиот туризам. Следејќи некои други европски практики, смета Крекиќ, се прават напори за продолжување на сезоната со воведување напредни спа-капацитети и услуги, како и други содржини. Поради фактот што летата и другите годишни времиња стануваат сè потопли, фокусот полека се префрла од брегот кон планините. Крекиќ го истакнува примерот на италијанските Алпи како атрактивна дестинација во текот на целата година, предвидувајќи слична ситуација во регионот Адрија за следните десет години.
Сѐ поголем број луксузни хотелски групи и инвеститори веќе се упатуваат кон планините во регионот, што е сигурно навестување за такво сценарио. И не само кога станува збор за туризам туку и за индивидуални капацитети и модерни станбени населби. Дали планините можат да станат ново море? Дознајте во видеото.
.webp){kind=icon}
