Официјалната веб-страница на УС Опен во текот на вчерашниот ден ја објави ситуацијата во врска со настапот на Новак Ѓоковиќ, односно неговиот престој на територијата на САД.
Во соопштението на челниците пишува и за ковид-протоколот во кој нема промени, што претставува лоша вест за српскиот тенисер.
Имено, здравствените и безбедносните протоколи кои го регулираат УС Опен велат дека никој не може да влезе во САД без доказ за вакцинација и малку е веројатно дека нешто ќе се промени во следните седум дена, поточно до почетокот на турнирот на 29. август.
„Во моментот сите кои имаат билети нема да мора да покажат доказ дека се вакцинирани за влез на УС Опен. Меѓутоа, ако патувате од странство, за да бидете на УС Опен, мора да бидете вакцинирани со прифатлива серија вакцини против ковид за да допатувате во САД (ова се однесува на оние кои не се државјани на САД или имигранти)“, се вели во соопштението .
На УС Опен порачуваат дека строго ќе ги почитуваат безбедносните мерки и совети поврзани со ковид, кои им ги препорачуваат властите во Њујорк. Ова е лоша вест за Ѓоковиќ, бидејќи турнирот започнува на 29. август.
УС Опен годинава за натпреварувачите ќе додели награди во вкупен износ од над 60 милиони долари, за прв пат во историјата на настанот, надминувајќи ја рекордната цифра од 57,5 милиони долари од 2021 година.
Во оваа сума се вклучени наградите од 2,6 милиони долари за победниците во единечна конкуренција, односно 1,3 милиони долари за нивните ривали. Во однос на финалето во двојки, победничкиот тим е предвидено да подели 688 илијади долари, а нивните противници 344 илјади долари.
.webp){kind=icon}
