„Анторпик“ (Anthropic PBC) размислува да излезе на берза веќе во октомври, според луѓе запознаени со ова прашање, бидејќи компанијата за вештачка интелигенција се натпреварува со конкурентот „Опен еј-ај“ (OpenAI Inc) во намерата за реализираање иницијална јавна понуда.
Производителот на популарниот четбот Клод имал рани разговори со банките од Волстрит за преземање водечки улоги во потенцијално котирање, рекоа луѓето, барајќи да не бидат идентификувани бидејќи информациите не се јавни.
Се очекува „Голдман Сакс“ (Goldman Sachs Group Inc), „ЏП Морган Чејс“ (JPMorgan Chase & Co) и „Морган Стенли“ (Morgan Stanley) да бидат вклучени во клучните улоги на котациите на „Антропик“ и „Опен еј-ај“, рекоа некои од луѓето.
Прочитај повеќе
Пентагон му даде пристап на „Опен еј-ај“ до класифицирана мрежа по спорот со „Антропик“
По конфликт со Пентагон околу масовен надзор и автономно оружје, „Антропик“ излегува од договорот, а „Опен еј-ај“ влегува во воениот ВИ-систем.
28.02.2026
„Антропик“ обезбеди 30 милијарди долари нов капитал
Со ново финансирање од 30 милијарди долари, „Антропик“ ја зацврстува позицијата во глобалната ВИ-трка, и сѐ повеќе се приближува до ривалот „Опен еј-ај“.
12.02.2026
Уште еден мегадоговор: „Антропик“ на чекор до инвестиција од над 20 милијарди долари
Трката во вештачката интелигенција ја забрзува концентрацијата на капитал, при што „Антропик“ се приближува до ново финансирање од над 20 милијарди долари.
08.02.2026
„Д Информајшн“ (The Information) претходно објави за времето на првичната јавна понуда на „Антропик“. Листирањето би можело да собере повеќе од 60 милијарди долари, според извештајот.
Размислувањата се во тек и не се донесени конечни одлуки, рекоа луѓето. Претставници на „Антропик“, „Голдман Сакс“ и „ЏП Морган“ одбија да коментираат. Портпаролите на „Опен еј-ај“ и „Морган Стенли “ не одговорија веднаш на барањата за коментар.
„Антропик“ беше проценет на 380 милијарди долари во рунда на финансирање од 30 милијарди долари, ко-водена од МГХ (MGX), која заврши во февруари. Има партнерства со „Гугл“ на „Алфабет“, „Амазон“, „Мајкрософт“ и „Енвидија“. Овие етаблирани фирми имаат удели во стартапот за вештачка интелигенција и му дадоа на „Антропик“ специјализирани чипови и друга технологија во договори вредни десетици милијарди долари.
Основан во 2021 година од поранешни вработени во „Опен еј-ај“, вклучувајќи го и извршниот директор Дарио Амодеи, „Антропик“ има за цел да биде поодговорен управител на вештачката интелигенција од своите конкуренти. Колд и неговата основна технологија добија на популарност кај корпоративните клиенти во сектори како што се финансиите и здравствената заштита, како и кај програмерите. „Антропик“ вети дека ќе потроши 50 милијарди долари за изградба на центри за податоци по нарачка во САД.
„Антропик“ се судри со Пентагон претходно оваа година, кој ја прогласи компанијата за закана за синџирот на снабдување во САД според овластување кое вообичаено е резервирано за странски противници. Компанијата во четврток доби судска наредба со која се блокира забраната за владина употреба на технологијата, откако „Антропик“ тврдеше дека овој потег може да ја чини милијарди долари изгубени приходи.
— Со помош од Ширин Гафари
.webp){kind=icon}
