Хакери украле криптовалути вредни 1,38 милијарди долари за шест месеци во 2024

Износот на криптовалути украдени преку хакирање и мрежна експлоатација се зголеми повеќе од двојно на 1,38 милијарди долари во првите шест месеци од годината, според фирмата за блокчејн-разузнавање ТРМ (TRM). Во пет големи напади се украдени 70 проценти од сите криптосредства што биле предмет на кражба. Како и во 2023 година и другите години, мал број напади го сочинуваа најголемиот дел од украдените средства.

Количината на ограбени криптовалути оваа година, сепак, сè уште е под речиси две милијарди долари што беа украдени во првите шест месеци од 2022 година, рекордна година за кражба на крипто. Како и оваа година, тогаш цените на криптовалутите се искачија на рекордно високо ниво во втората половина на 2021 година. Од ТРМ велат дека повисоките цени веројатно придонесуваат за зголемен обем на кражба на крипто.

ТРМ

Најлукративните начини на кои хакерите украле крипто се со неовластен пристап до приватните клучеви и кодови, кои се криптографски низи од броеви што овозможуваат пристап до криптопаричник.

При најголемиот напад досега во 2024 година беа украдени биткоини во вредност од над 300 милиони долари, над 4.500 токени, од јапонската крипто берза „ДММ Биткоин“ (DMM Bitcoin). Се‘ уште не е позната причината за нападот.

Во моментов нема коментари за веста. Биди прв да коментира...

Остави коментар