.webp){kind=icon}
Јапонија ги поставува темелите да стане дом на најдобрите светски компании на вештачка интелегенција, изјави министерот за економија Јасутоши Нишимура пред група студенти од Универзитетот во Токио во вторникот. Тоа би значело поддршка на стартапите и големите компании, како и поттикнување дискусија вештачката интелигенција да биде основен приход, бидејќи вештачката интелигенција (ВИ) ќе придонесе за застарување на голем број работни места. „Луѓето би имале повеќе време кога дроновите, роботите, самовозечките возила и другите уреди би почнале да извршуваат многу повеќе функции како што се развива ВИ“, рече Нишимура.
Bloomberg
Сепак, според него, на Јапонија ќе ѝ треба капацитет да го поттикне развојот на процесорите за обука на вештачката интелигенција. Тука најголем удел има компанијата за производство на графички чипови „Енвидија“ (Nvidia Corp), која стана највредна компанија во овој сектор благодарение на раното вложување во вештачката интелегенција. „Се надевам дека во Јапонија ќе се создаде компанија што ќе ја надмине ’Енвидија’“, рече Нишимура.
Во меѓувреме премиерот на Јапонија, Фумио Кишида, ја засили поддршката на домашниот сектор во производството на полупроводници, надевајќи се дека земјата повторно ќе се врати како лидер во производството на чипови. Земјата подготви милијарди долари субвенции како дел од напорите за тројно зголемување на домашното производство на чипови до 2030 година. Истовремено со подршка на јапонска влада, посебен фонд работи на зајакнување на синџирот за набавка на материјали за чипови во земјата.
Bloomberg
