Компанијата „Алфабет“ (Alphabet Inc.) која е сопственик на „Гугл“ ќе започне со навремено производство во Индија на своите паметни телефони „пиксел 8“ (Pixel 8), за продажба во 2024 година, објави компанијата на својот годишен технолошки настан за Индија.
„Гугл“ ќе соработува со локални и глобални добавувачи за да ги состави своите први мобилни телефони произведени во Индија, рече шефот за хардвер Рик Остерлох на настанот. Потегот на компанијата која стои зад оперативниот систем Андроид (Android), што е најкористен во светот, е уште еден во низата успеси за индиската влада во привлекувањето на меѓународни производители на уреди во земјата.
„Диксон“ (Dixon Technologies India Ltd.) и индискиот огранок на „Фокскон“ (Foxconn Technology Group) се водечки претенденти за производство на телефонот, според луѓе запознаени со ова прашање, кои побараа да останат анонимни бидејќи дискусиите сè уште се доверливи.
Администрацијата на премиерот Нарендра Моди привлече големи инвестиции од „Епл“ (Apple Inc.), кој ги отвори своите први две продавници во Индија оваа година и сè повеќе го префрла производството на ајфони од Кина во Индија. Најновата генерација „ајфон 15“ (iPhone 15) исто така беше првата во историјата на компанијата која донесе телефони произведени во Индија, истовремено со оние произведени во Кина.
Настрана од американските производители на уреди, „Самсунг“ (Samsung Electronics Co.), исто така, ги произведува своите „галакси“ (Galaxy) телефони во Индија, а кинеските продавачи на андроид уреди имаат воспоставено партнерства со локални компании.
.webp){kind=icon}
