.webp){kind=icon}
Со подемот на вештачката интелигенција, еден клучен играч во брзорастечкиот простор разговара со инвеститорите за собирање повеќе пари откако достигна во кругот на финансирање кон крајот на минатата година.
Матичната компанија на „Стејбл дифјужн“ (Stable Diffusion), алатка за вештачка интелигенција за изработка на дигитални слики, се обидува да собере пари од околу четири милијарди долари, според лица запознаени со ова прашање, кои побараа да не бидат идентификувани бидејќи уште не е јавно.
Не е јасно колкав капитал бара да собере „Стабилити еј-ај“ (Stability AI Ltd) во потенцијалниот круг. „Не е донесена конечна одлука дали да се продолжи со финансирањето и сè уште може да се промени вреднувањето“, додаваат изворите. „Стабилити“, чие седиште е во Лондон и чии инвеститори се „Коути менаџмент“ (Coatue Management) и „Лајтспид венчр“ (Lightspeed Venture Partners), последен пат собра 101 милион долари по процена од околу една милијарда долари, објави „Блумберг њуз“ (Bloomberg News) во октомври.
Претставниците на „Стабилити еј-ај“ (Stability AI) не дадоа коментар.
Тоа што се враќаат на пазарот толку брзо во услови на технолошки пад со многу побогато вреднување, нагласува дека вештачката интелигенција во последниве месеци стана најжешката тема во Силициумската Долина, со потенцијал да ги наруши забавата, финансиите, па дури и образованието.
Корпорацијата „Мајкрософт“ (Microsoft), како што објави „Блумберг њуз“ во јануари, инвестира 10 милијарди долари во „Опен еј-ај“ (OpenAI), родител на ЧетГПТ (ChatGPT), лидер во технологијата со алатки што можат да генерираат необично детални слики, текст и други содржини со кратко барање.
Коосновачот на „Линкедин“ (LinkedIn), Рид Хофман, во петокот изјави дека се повлекува од одборот на „Опен еј-ај“, бидејќи неговата фирма за ризичен капитал сè повеќе инвестира во други компании за вештачка интелигенција. Други технолошки гиганти, вклучувајќи ги и „Алфабет“ (Alphabet Inc), „Амазон“ (Amazon.com Inc) и „Мета“ (Meta Platforms Inc), исто така се натпреваруваат да избијат на врвот со вештачката интелигенција.
„Стејбл дифјужн“ се натпреварува со „Дали 2“ (Dall-E 2) на „Опен еј-ај“, друга алатка за креирање дигитални слики.
Начинот на кој функционира „Стејбл дифјужн“ е тоа што луѓето пишуваат опис на слика, да речеме астронаут што јава коњ, а програмата креира реална или надреалистичка слика. Компанијата вели дека се издвојува од конкурентите бидејќи нејзиниот софтвер со отворен код е достапен за јавноста. Неговата практична употреба вклучува и дизајнирање видеоигри за реклами.
