.webp){kind=icon}
Десетици организации за застапување на правата на децата и експерти за безбедност на малолетници побараа од „Мета“ (Meta Platforms Inc.) да ги прекине своите планови за добредојде на малолетниците во новиот свет на виртуелна реалност.
„Мета“ планира да покани тинејџери и млади да се приклучат на нејзината апликација за таканаречениот метаверс „Хоризонт Ворлдс“ (Horizon Worlds), во наредните месеци. Но, групите и експертите кои го потпишаа писмото, кое беше испратено до главниот извршен директор на „Мета“, Марк Закерберг тврдат дека малолетниците ќе се соочат со малтретирање и кршење на приватноста на апликацијата за виртуелна реалност, која е само во рана фаза.
„Во „Мета“ мора да почекаат повеќе рецензирани истражувања за потенцијалните ризици на метаверзумот за да бидат сигурни дека децата и тинејџерите ќе бидат безбедни“, се вели во писмото потпишано од групите за безбедност на интернет, вклучувајќи ги „Ферплеј“(Fairplay), Центарот за борба против дигиталната омраза „Комон сенс“ и други.
Писмото укажува на мартовскиот извештај од Центарот за борба против дигитална омраза, според кој корисниците под 18 години веќе се соочуваат со малтретирање од возрасните на апликацијата. Истражувачите од центарот беа сведоци на 19 епизоди на злоупотреба насочени кон малолетници од возрасни, вклучително и сексуално вознемирување, за време на 100 посети на најпопуларните светови во „Хоризонт Ворлдс“.
„Пред да го направиме „Horizon Worlds“ достапен за тинејџерите, ќе имаме дополнителна заштита и алатки за да им помогнеме да им обезбедиме искуства соодветни на возраста“, рече Џо Озборн, портпарол на „Мета“ во изјавата.
„Слушалките „Куест“(Quest) се наменети за луѓе над 13 години и ги охрабруваме родителите и старателите да ги користат нашите алатки за родителски надзор, вклучително и управување со пристапот до апликациите, за да помогнат во овозможувањето безбедни искуства“, додаде тој.
„Мета“ се соочи со широко распространето испитување за ефектот на нејзините производи врз менталното здравје на младите. Свиркач од „Фејсбук“ во 2021 година ја обвини компанијата дека го става профитот над безбедноста и не ги штити децата, особено тинејџерките кои поминуваат прекумерно време на Инстаграм.
Истражувањата за ова прашање се поделени, при што некои студии заклучуваат дека високите нивоа на ангажман на социјалните медиуми доведуваат до депресија кај малолетниците, додека други откриле дека постои мала корелација.
Потписниците на писмото напишаа дека „Мета“ треба да изработи нов пат со својот нов водечки проект во метаверс.
„Доколку „Мета“ ги отвори вратите на овие светови за малолетниците наместо да застане за да ги заштити, вие повторно ќе покажете дека вашата компанија е недоверлива кога станува збор за заштита на најдобрите интереси на младите“, напишаа тие.
Минималната возраст за апликацијата „метаверс“ сега е 18 години.
