„Алибаба“ (Alibaba Group Holding Ltd.) го интегрира својот најнапреден систем за вештачка интелигенција во својата апликација за пораки „Дингток“ (DingTalk), слична на „Слек“ (Slack) и асистентот за состаноци наречен „Тингву“ (Tingwu).
Моделот што го разви „Алибаба клауд“ (Alibaba Cloud), наречен Тонџи Чиенвен (Tongyi Qianwen), сега ги спроведува интеракциите со новата верзија на асистентот, Тонџи Тингву (Tongyi Tingwu).
Асистентот помага со анализа на аудио и видеодатотеки и генерирање текстуални резимеа и сега е отворен за јавноста. Тој бот ќе биде интегриран и во „Дингток“, се наведува во корпоративното соопштение испратено до јавноста денеска.
Пробивот на ЧетГПТ (ChatGPT), ботот на „Опен еј-ај“ (OpenAI), го забрза објавувањето на производите со вештачка интелигенција на „Алибаба“, но и од други компании низ светот, како „Баиду“ (Baidu Inc) или хардверската компанија „Асустек“ (Asustek Computer Inc).
„Алибаба“ го објави својот бот на 11 април, велејќи дека постепено ќе го додава во различни бизниси за да ги подобри корисничкото искуство и конкурентноста.
„Интеграцијата со асистентот за состаноци е одговор на зголеменото количество на видеа и аудија што се следат секојдневно“, рече во изјавата шефот на техничката единицата на компанијата Џингрен Жоу.
.webp){kind=icon}
