Еден од ретките поединци кои се истакнуваат во светот на постојани технолошки промени со иста моќ и влијание е Сем Алтман. Неговото патување од ко-основањето на познатиот стартап акцелератор „Y Комбинатор“ (Y Combinator) до преземањето на клучната улога на извршен директор во „Опен еј-ај“ е исполнето со визионерско лидерство и посветеност кон истражување на границите на вештачката интелигенција.
Алтман зачекори во светот на технологијата како ко-основач на Y Комбинатор“,кој одигра клучна улога во поттикнувањето и лансирањето на некои од најуспешните стартапи на денешницата. Неговата способност да ги препознае иновациите и неговата страст за поттикнување на пробивни идеи го направија клучна фигура и синоним за зајакнување на претприемачите да ги претворат своите визии во реалност.
Но, амбициите на Алтман не застанаа само на полето на стартапите. Во 2019 година, тој го презеде кормилото на „Опен еј-ај“, компанија посветена на развој на вештачка интелигенција на безбеден и етички начин. Неговото лидерство е обележано со неуморна посветеност на развојот на вештачката интелигенција и акцент на одговорни и транспарентни практики.
Bloomberg Mercury
По период на конфликт и несогласување во одборот на „Опен еј-ај“ поддржан од „Мајкрософт“, Сем Алтман се врати како извршен директор на 30 ноември. Тој беше повторно назначен на лидерската позиција откако беше отпуштен од компанијата на 17 ноември. Покрај тоа, „Опен еј-ај“ доживува значителни промени во лидерството со враќањето на Алтман како извршен директор, додека Мира Мурати ќе ја преземе улогата на главен директор за технологија. Новиот првичен одбор ќе се состои од Брет Тејлор како претседател и Лери Самерс и Адам Д'Анџело.
Во неодамнешниот блог пост на официјалната веб-страница на „Опен еј-ај“, Алтман размислуваше за претходниот период полн со вжештени страсти.
Во своето соопштение тој изрази голема возбуда за иднината на компанијата и благодарност до сите вработени за посветената работа во неизвесни услови. Тој посочува дека е отворен за соработка со поранешниот извршен директор Илја Сутскевер и изразува благодарност до Д'Анџело, Таша Меколи и Хелен Тонер за нивната соработка. Тој ја пофали Мурати за исклучителното раководење со компанијата при промените. Алтман нагласи дека компанијата останува силна под водство на сегашниот тим и дека лидерскиот тим е „одличен“. Тој го пофали и враќањето на талентираните поединци Јакуб Пачоцки, Шимон Сидор и Александар Мадри. Со зборови на благодарност до партнерите и корисниците, Алтман ја нагласува поддршката на партнерите како „Мајкрософт“ во тешкотиите што беа надминати без губење на вработените.
Приоритетите на „Опен еј-ај“ по промените на раководството
Препознавајќи ги потребите на сегашната ера, „Опен еј-ај“ постави три клучни приоритети.
Прво, подобрување на планот за истражување и дополнителни инвестиции во безбедносни мерки кои отсекогаш биле суштински за нивната работа. Алтман ја нагласува јасноста на истражувачкиот пат и изразува возбуда поради можноста кризата да се претвори во можност. Тој ќе работи со Мурати за да ги постигне тие цели.
Второ, подобрување на производот и имплементација и услуги на клиентите. Важно е луѓето да ги искусат придобивките од вештачката интелигенција и да имаат можност да ја обликуваат. „Опен еј-ај“ верува дека одличните производи се најдобриот начин да се постигне таа цел. Алтман ќе работи со Бред Лајткап, Џејсон Квон и Ана Макања за да обезбеди непоколеблива посветеност на клиентите, партнерите и владите ширум светот.
Трето, Тејлор, Самерс и Д'Анџело ќе се обврзат на исклучително важната задача да формираат одбор со различни перспективи, да ја подобрат структурата на управување и да го надгледуваат независен преглед на неодамнешните настани. Алтман „со нетрпение очекува да работи со нив на тие клучни чекори за секој да може да има доверба во стабилноста на „Опен еј-ај“, со нетрпение го очекува завршувањето на градењето и користењето на вештачката интелигенција и смета дека неговиот тим е најдобар во светот и со најдобрата мисија на светот“.
Во својата последна објава на Х, оваа година накратко ја опиша како во најмала рака интересна.
„Да се стават луѓето на прво место е секогаш сигнал за здравјето на компанијата. Фактот дека целиот тим застана покрај него на сметка на неговата работа, а со тоа и неговото постоење, говори само за тоа каков лидер е Алтман. Нема подобар показател за доверба отколку одговорот дали вашиот тим нема да го следи или не“, изјави за „Блумберг Адрија“ Никола Глумац, експерт за блокчејн.
„Не само што на Алтман му веруваат неговите луѓе, туку тој успеа да создаде култура во организацијата каде луѓето се навистина на прво место. Сите технолошки компании го нагласуваат тој пристап како основна вредност. На некој начин, ова беше тест за „Опен еј-ај“ тимот. На крајот, покажа дека одлуките на одборот можат само да ги зближат. Фактот дека Алтман сакаше да се врати на прво место е одличен доказ за неговата вистинска посветеност на нивната мисија. Токму оваа посветеност е клучот за иновациите и пионерски проекти како „Опен еј-ај“, смета Глумац.
Под водство на Алтман, „Опен еј-ај продолжува да дава приоритет на истражувањето, инвестирајќи во безбедносни мерки за да обезбеди одговорен развој на технологиите за вештачка интелигенција. Неговата јасна комуникација за истражувачкиот пат ја одразува посветеноста на транспарентноста и соработката во пошироката заедница за вештачка интелигенција. Како заклучок, Сем Алтман останува клучна фигура која не само што ја обликува сегашноста, туку и ја дефинира иднината на вештачката интелигенција. Неговата визија, лидерство и неуморно застапување го поставуваат како лидер во светот на технолошките иновации и етичкиот развој на вештачката интелигенција.
.webp){kind=icon}
