„Епл“ (Apple Inc.) склучи договор со „Опен еј-ај“ (OpenAI) за користење на технологијата на стартапот на ајфон (iPhone), како дел од поширокиот обид на компанијата да ја внесе вештачката интелигенција на нејзините уреди, информираат за „Блумберг“ луѓе запознаени со ова прашање.
Двете страни ги финализирале условите на договорот за користење на Чет ГПТ (ChatGPT) во иОС18 (iOS 18) на „Епл“, следниот оперативен систем на ајфон. Од „Епл“ исто така разговарале со „Гугл“ на „Алфабет“ (Alphabet Inc). за лиценцирање на четботот Џемини (Gemini). Дискусиите засега не резултирале со договор, но се‘ уште се во тек.
Договорот за „Опен еј-ај“ ќе му овозможи на „Епл“ да понуди популарен чет-бот како дел од мноштвото нови функции за вештачка интелигенција што планира да ги објави следниот месец. „Блумберг“ во април објави дека разговорите со „Опен еј-ај“ се интензивирани. Сепак, нема гаранција дека договорот ќе биде објавен веднаш.
Прочитај повеќе
„Епл“ преговара со „Опен-еј-ај“ за генеративните карактеристики на ВИ во ајфоните
Најновиот развој доаѓа пред светската конференција за програмери на „Епл“
27.04.2024
„Хуавеј“ со нова линија паметни телефони го зголемува притисокот врз „Епл“
Серијата на паметни телефони „пјура 70“ (Pura 70) излегува на пазарот со почетна цена од 5.499 јуани (760 долари).
18.04.2024
Претставниците на трите компании одбија да коментираат.
„Епл“ планира да го разбранува светот на вештачката интелигенција во јуни, кога ќе ја одржи својата годишна Светска конференција за програмери. Како дел од притисокот, компанијата ќе работи со некои од своите претстојни функции за вештачка интелигенција преку центри за податоци опремени со свои сопствени процесори, објави „Блумберг“.
Минатата година, главниот извршен директор на „Епл“, Тим Кук, рече дека тој лично го користи ЧетГПТ, но додаде дека има „голем број проблеми што треба да се решат“. Тој вети дека новите карактеристики на вештачката интелигенција ќе се вградат во производите на „Епл“ на „многу внимателна основа“.
На конференцискиот повик на „Епл“ минатата недела, тој тврдеше дека компанијата ќе има предност во вештачката интелигенција.
„Веруваме во трансформативната моќ и ветувањето на вештачката интелигенција и веруваме дека имаме предности што ќе не разликуваат во оваа нова ера, вклучувајќи ја и уникатната комбинација на „Епл“ од беспрекорна интеграција на хардвер, софтвер и услуги“, рече Кук.
.webp){kind=icon}
