.webp){kind=icon}
„Спејс екс“ на Илон Маск е избран од НАСА да го изгради вселенското летало што ќе ја извади Меѓународната вселенска станица надвор од орбитата на Земјата.
Американската национална воздушно-вселенска администрација има намера да ја одржи Меѓународната вселенска станица (МВС) во функција до крајот на 2030 година, по што планира да го урне овој сателит во делот од Тихи Океан познат како „Точка Немо“.
Bloomberg Mercury
Работата на МВС почна во 1998 година, а од 2000-та таму престојуваат астронаути и спроведуваат научни истражувања. Досега на МВС биле испратени повеќе од 200 астронаути од 19 различни земји. Новото вселенско летало што ќе го изгради компанијата на Илон Маск треба да ја замени МВС.
Овој договор е вреден дури 843 милиони долари, соопштија во средата од НАСА.
„Се очекува новото вселенско летало на ’Спејс екс’ ’деструктивно да се распадне’ за време на процесот на повторно влегување во Земјината атмосфера “, соопшти НАСА.
НАСА објасни дека „Спејс екс“ ќе развие таканаречено деорбитално летало, кое НАСА ќе го преземе по развојот и ќе управува со него за време на мисијата.
Компанијата „Спејс екс“ на Илон Маск последен пат беше проценета на 180 милијарди долари во трансакција во декември, објави „Блумберг њуз“.
