ОКТА АД – Скопје

Назив, место и година на основање на компанијата

ОКТА АД – Скопје

Година на основање: 1978

Дејност – опис на најважните производи

ОКТА е најголемиот снабдувач на горива во земјата, обезбедувајќи го пазарот со висококвалитетни производи кои ги задоволуваат последните национални и европски стандарди. Како дел од Хеленик Петролеум Групацијата, компанијата е предводник во сферата на трговија, снабдување и дистрибуција на нафтени деривати во регионот. Преку трговија на големо ОКТА опслужува големо портфолио на клиенти, од земјава и регионов, од мали претпријатија па сé до големи индустриски објекти и владини институции. Малопродажната мрежа на ОКТА се состои од современи бензински станици распространети ширум земјата кои нудат висококвалитетни производи и услуги на крајните корисници. Почнувајќи од 2018 година, портфолиото на компанијата е проширено со производството на електрична енергија од обновливи извори, како и снабдување и менаџирање енергија за своите клиенти. До сега ОКТА има инсталирано 5 фотоволтаични централи со вкупна инсталирана моќност од 440 kW.

Број на вработени (заклучно до 31/12/ 2021)

268

Пазари:

ОКТА е главен снабдувач на пазарот со горива на Република Северна Македонија, со значајни извозни количини на пазарите во Косово, Србија, Црна Гора и Албанија.

Увоз/извоз и најпознати производи или брендови:

Главните производи со кои што се тргува на големо и кои што се користат во патниот, железничкиот и авионскиот транспорт се: · Еуродизел БС · Еуросупер БС 95 · Еуросупер БС 98 · Течен нафтен гас - ТНГ

· Гориво за млазни мотори, ГМ-1

Во портфолиото на ОКТА може да се најдат следниве производи кои се користат за греење:

· Мазут М-1 НС · Екстра лесно 1 (ЕЛ-1)

Покрај асортиманот на производи кои што се користат како извори на енергија, во понудата на ОКТА достапни се уште и следните производи наменети за индустриските корисници:

· Битумен - 50/70

· Битумен - 80/100

ЕБИТДА за 2021 година: 839 милиони денари

Нето профит или вредност на капиталот за 2021 година

· Нето профит 378 милиони денари

· Вредност на капиталот - 4,363 милиони денари

Општествена одговорност:

Како дел од корпоративната стратегија, ОКТА е посветена да возврати и на значаен начин да придонесе во општеството каде што работиме и живееме. Имајќи го предвид фактот дека сме една од најголемите компании во земјата, веруваме дека со користење на нашите ресурси и работна сила, можеме да придонесеме и влијаеме за доброто на целата заедница. Ја препознаваме одговорноста да бидеме добар корпоративен граѓанин и затоа сме посветени на постигнување видливи и мерливи бенефити за нашите вработени, нашите клиенти и општеството во целина. Важна улога во општествено-одговорниот концепт на компанијата имаат и нашите вработени, кои често доброволно иницираат и се вклучуваат во хуманитарни активности.

Најважните долгорочни општествено одговорни програми на ОКТА се „Јас Внимавам“ чија цел е подигнување на свеста за безбедноста во сообраќајот и „Нова Генерација“ преку која компанијата го помага образовниот процес во државата и ги поддржува младите талентирани и амбициозни луѓе.

Визија/стратегија: Визијата на ОКТА е да биде регионален енергетски центар со одржлив раст вграден во компаниската стратегија.

Мисија: Мисијата на ОКТА значи „Енергија за живот“. Компанијата е фокусирана да нуди квалитетни производи и услуги во енергетскиот сектор, услужувајќи ги клиентите на домашниот и соседните пазари на ефикасен и иновативен начин.

Во моментов нема коментари за веста. Биди прв да коментира...

Остави коментар