Британските домаќинства ќе бидат посиромашни како директен резултат на губењето на кредибилитетот на владата на финансиските пазари по изјавата на Кваси Квартенг во петокот, покажуваат пресметките на Фондацијата Резолуција.
Падот на фунтата во однос на доларот и порастот на каматните стапки предизвикани од мини-буџетот на министерот за финансии ќе ја влошат кризата со инфлацијата и ќе додадат стотици фунти на сегашните хипотеки, велат од тинк-тенкот.
Владата, исто така, ќе има проблеми бидејќи повисоките приноси ќе ги зголемат трошоците за сервисирање на долгот за 14 милијарди фунти (15 милијарди долари) годишно од 2026 до 2027 година, што е еднакво на една седмина од буџетот за образование.
Фунтата падна за пет отсто во однос на доларот и речиси четири отсто во однос на кошницата на главните валути од четвртокот, при што пазарите ги зголемија своите прогнози за највисоките каматни стапки на шест отсто во споредба со претходните пет отсто.
Падот на фунтата ќе ја поттикне инфлацијата со поскапување на увозот, „што за возврат ќе има ефект на намалување на животниот стандард за околу еден отсто“, се вели во Резолуцијата.
За сопственик на дом кој има хипотека од 140.000 фунти и преостанати 17 години за отплата – според примерот што го користи Банката на Англија, каматнта стапка ќе се зголеми за еден процентен поен и ќе додаде околу 80 фунти на месечната рата, што значи околу 1.000 фунти на годишно ниво дополнителен трошок.
„Превирањата што ги гледаме се важни за семејните финансии, како и за финансиските пазари“, рече Торстен Бел, извршен директор на Резолушн.
„Овие големи потези не само што ќе значат зголемување на трошоците за задолжување на државата за дополнителни 14 милијарди фунти, што на крајот ќе бара помалку трошоци или повисоки даноци, тие ќе влијаат на семејните финансии“.
.webp){kind=icon}
