ЕЦБ веројатно ќе го одобри преземањето на „Комерцбанк“ од страна на „Уникредит“

Европската централна банка (ЕЦБ) е наклонета кон одобрување на преземањето на германската „Комерцбанк“ (Commerzbank AG) од страна на италијанската групација „Уникредит“ (UniCredit SpA), јави „Ројтерс“, повикувајќи се на интерен документ презентиран минатиот месец до Надзорниот одбор на централната банка.

„Уникредит“ моментално чека регулаторни одобренија за преземање на акции еднакви на околу 18 отсто од „Комерцбанк“, кои беа понудени за време на повикот за преземање од италијанската банка претходно оваа година. Уделот би помогнал да се зголеми портфолиото на Италијанците  на нешто помалку од 50 отсто, што би му дало веројатно мнозинство за гласање на состаноците на инвеститорите.

Претставниците на ЕЦБ и двете банки одбија да коментираат.

Проценката за тоа дали инвеститорот е способен да држи повеќе од 30 отсто во друга банка обично се фокусира на работи како што се неговиот углед и стабилност. „Уникредит“ е една од најголемите банки во Европа и е под надзор на ЕЦБ повеќе од една деценија, што прави малку веројатно регулаторот да изрази некаква поголема загриженост и сл.

Претставниците на ЕЦБ долго време велат дека се залагаат за прекугранична консолидација меѓу европските банки, а регулаторот претходно го одобри потегот на „Уникредит“ да преземе удел од нешто под 30 отсто во германскиот конкурент.

Постепеното преземање од страна на „Уникредит“ отстрани важна регулаторна пречка кон крајот на јули, кога германскиот регулатор „Бафин“(Bafin) ја утврди комплетноста на апликацијата на „Уникредит“ и потоа го упати прашањето до ЕЦБ за конечна одлука, велат луѓе запознаени со ова прашање. Со тоа започна времето на ЕЦБ да ја заврши својата проценка во рок од 60 работни дена.

„Уникредит“ изјави дека очекува ЕЦБ, која е највисок финансиски супервизор за двете банки, наскоро да го смета влијанието на италијанската банка врз „Комерцбанк“ на ниво -  достигната ефективна контрола. Таа одлука ќе значи дека ЕЦБ ќе ги смета средствата на германската банка како дел од оние на „Уникредит“, што, како што се очекува, ќе го намали нејзиниот регулаторен капитал.

„Уникредит“ и „Комерцбанк“ овој месец ги одржаа своите први формални разговори за тоа како да се справат со очекуваната промена на контролата, објави „Блумберг њуз“.