Главниот извршен директор на УБС (UBS Group AG), Серџо Ермоти, вели дека плановите за откуп на акции на банката се привремено суспендирани, но не и откажани, бидејќи се бори со сложената интеграција на „Кредит Суис“ (Credit Suisse Group AG).
Ермоти, кој се врати да ја води банката низ процесот на итно преземање, рече дека е премногу рано да се каже кога ќе продолжат откупите и дека им треба потемелен увид во бројките и деловните планови. Тој зборуваше во интервју за ТВ „Блумберг“ во вторникот.
„Ја повторуваме нашата намера секоја година да имаме прогресивно зголемување на нашата дивиденда во готовина и дефинитивно имаме намера да продолжиме со откуп на акции кога е тоа потребно“, рече Ермоти.
Прочитај повеќе
„Кредит Суис“ во вртоглав квартал забележа одлив на 69 милијарди долари
„Кредит Суис“ соопшти дека во првиот квартал претрпела загуби од 69 милијарди долари поради одлив на капитал.
24.04.2023
УБС: Интеграцијата на „Кредит Суис“ може да трае до четири години
Претседателот на УБС, Колм Келехер, рече дека интеграцијата на „Кредит Суис“ ќе трае од три до четири години.
05.04.2023
По преземањето на Кредит Свис, УБС отпушта над 30.000 лица
УБС Груп ќе ја намали работната сила меѓу 20 и 30 отсто
02.04.2023
Ермоти одново извршен директор на УБС, ќе го надгледува преземањето на „Кредит Суис“
УБС објави дека Серџо Ермоти се враќа на позицијата главен извршен директор, на местото на Ралф Хамерс, по нешто повеќе од две години откако тој е на чело.
29.03.2023
УБС го замрзна откупот кога минатиот месец објави преземање на најголемиот ривал во швајцарското банкарство, со поддршка од владата. Договорот ја трансформира банката од стабилен менаџер на средства со предвидливи политики за профит и враќање на капиталот во режим на реструктурирање што можеби ќе одземе и до четири години за интеграција на „Кредит Суис“.
„Цврстината на билансот на состојба и ликвидноста се клучни во размислувањата за продолжување на откупот“, додаде тој.
„Банката не исклучува потенцијална рецесија кон крајот на оваа или почетокот на следната година“, рече Ермоти. Повторувајќи ги коментарите на другите директори на УБС, тој посочи дека на компанијата ќе ѝ треба време да ја разгледа иднината на дејствувањето на „Кредит Суис“ во Швајцарија.
.webp){kind=icon}
