УБС (UBS Group) очекува да го комплетира преземањето на „Кредит Суис“ (Credit Suisse) веќе на 12 јуни, се вели во соопштение објавено во понеделникот. Затворањето на договорот сè уште е предмет на одредени услови што УБС може да ги отфрли. По завршувањето, акциите на „Кредит Суис“ ќе бидат отстранети од швајцарската берза SIX на 13 јуни и од Њујоршката берза на 12 јуни.
Акционерите на „Кредит Суис“ ќе добијат по една акција на УБС за секои 22,8 акции што ги поседуваат. УБС ќе ги преземе сите издадени должнички хартии од вредност на „Кредит Суис“.
УБС претходно најави дека преземањето на помалиот конкурент ќе биде завршено до крајот на мај или најдоцна почетокот на јуни. Сепак, тоа би можело да биде одложено бидејќи заемодавецот и швајцарската влада сè уште преговараат за точните услови на државната гаранција од девет милијарди швајцарски франци (9,9 милијарди долари) за загубите што банката би можела да ги претрпи, пишува „Блумберг њуз“.
Прочитај повеќе
„Кредит Суис“ не ги исполнува критериумите за котирање на Њујоршката берза
Акциите на котираните компании треба да имаат просечна цена на затворање од најмалку еден долар во период на тргување од 30 дена
31.05.2023
УБС го реорганизира раководството по преземањето на „Кредит Суис“
УБС ќе го смени својот главен финансиски директор како дел од пошироката реорганизација на својот менаџерски тим.
09.05.2023
Фрчат тужби од сопствениците на обврзници AT1 на „Кредит Суис“
Уште стотици сопственици на обврзници на „Кредит Суис“ го тужат швајцарското банкарско регулаторно тело.
03.05.2023
„Кредит Суис“ во вртоглав квартал забележа одлив на 69 милијарди долари
„Кредит Суис“ соопшти дека во првиот квартал претрпела загуби од 69 милијарди долари поради одлив на капитал.
24.04.2023
„Кредит Суис“ обвинета за попречување на истрага за сметки на нацистите
Американски сенатори ја обвинија банката за попречување на истрага во однос на сервисирање на нацистички клиенти.
19.04.2023
УБС годинава се согласи да го преземе „Кредит Суис“ во итна продажба, поддржана од швајцарската влада, поради стравувањата дека помалиот ривал, соочен со низа проблеми, би можел да банкротира. УБС најави дека можеби ќе треба да го одложи објавувањето на резултатите од вториот квартал по 25 јули, со цел по затворањето на договорот да има доволно време да поднесе комбинирани финансиски извештаи.
Банката очекува пред комплетирањето на аквизицијата да се договорат основните услови од таканаречениот договор за заштита од загуби, но не и регулаторните импликации. УБС и регулаторите сè уште одредуваат какви приспособувања на ликвидноста и капиталните барања ќе треба да се направат во заедничката компанија.
Гаранција од швајцарската влада за загубата беше потребна затоа што немаше доволно време за соодветна ревизија, а „Кредит Суис“ има тешко проценливи средства што УБС планира да ги намали. Во случај на загуби, УБС би ги презел првите пет милијарди франци, а владата следните девет милијарди франци.
УБС минатиот месец соопшти дека очекува да ја намали вредноста на имотот на „Кредит Суис“ за околу 13 милијарди долари и процени дека правните трошоци во текот на 12 месеци би можеле да бидат до 4 милијарди долари. Од банката исто така посочија дека како резултат на преземањето може да се оствари проценета книговодствена добивка од 34,8 милијарди долари.
.webp){kind=icon}
