.webp){kind=icon}
Цените на куќите во Обединетото Кралство неочекувано се зголемија во октомври, покажувајќи знаци дека пазарот на недвижнини се стабилизира бидејќи Банката на Англија се приближува кон крајот на циклусот на зголемување на каматните стапки.
Просечната цена на куќа се зголеми за 0,9 отсто на 259.423 фунти (315.240 американски долари) откако се зголеми за 0,1 отсто во септември, покажуваат податоците на хипотекарниот заемодавец „Нејшнвајд Билдинг Сасајати“ (Nationwide Building Society). Скокот беше најголем од август минатата година и е спротивен на очекувањата на економистите за пад од 0,4 отсто.
Цените паднаа за 3,3 отсто во однос на истиот период пред една година, што е подобрување во однос на годишниот пад од претходниот месец од 5,3 отсто.
Податоците ќе ги подгреат надежите дека падот на пазарот на недвижности ќе биде помалку изразен од првично очекуваното. Економистите предвидуваа пад од околу 10 отсто во споредба со врвот во август минатата година. Годинешниот вкупен пад изнесува 4,5.
Bloomberg
Банката на Англија ги задржа каматните стапки на 5,25 отсто на последниот состанок во септември, што предизвика намалување на хипотекарните стапки, а се очекува тоа повторно да го стори утре. Инвеститорите очекуваат зголемување од најмногу четвртина поен до почетокот на следната година, бидејќи инфлацијата ќе се намали и економијата почнува да ги чувствува ефектите од брзото монетарно стегање од крајот на 2021 година.
И покрај изненадувачкиот пораст на цените, главниот економист на „Нејшнвајд“ Роберт Гарднер рече дека активноста на пазарот за недвижнини е „исклучително слаба“.
„Порастот на цените на куќите во октомври најверојатно го одразува фактот дека понудата на недвижен имот на пазарот е ограничена“, рече тој. „Има малку знаци за принудна продажба за да се изврши надолен притисок врз цените, бидејќи условите на пазарот на трудот се солидни, а хипотекарниот долг е на историски ниско ниво“.
Гарднер рече дека очекува цените на куќите „да останат ниски“ во наредните квартали.
Bloomberg
Само 43.300 хипотеки беа одобрени во септември, според податоците на Банката на Англија, што е околу 30 отсто под преовладувачкиот месечен просек во 2019 година. Гарднер рече дека тоа „не е изненадувачки“ бидејќи достапноста е мала - иако цените паднаа од својот врв, сепак се 17,7 отсто над нивото пред пандемијата.
Цените на домовите се подобри од очекуваното во поголемиот дел од оваа година. Економистите се поделени околу тоа дали тоа значи дека цените на куќите ќе се стабилизираат, бидејќи растот на невработеноста е релативно пригушен, или дали најлошото ќе дојде следната година кога се очекува економијата да стагнира или дури да западне во рецесија.
„На национално ниво, продолжува да има значителен недостиг на станбен инвентар на повеќето локации. Следствено, секое забавување на продажбата на сопствениците на куќи најверојатно ќе биде компензирано со зголемената побарувачка од изнајмувачите и инвеститорите“, рече Том Браун, управен директор во „Ингениус Риал Естејт“ (Ingenious Real Estate). „Со стапките кои се прогнозираат да бидат на или блиску до нивниот врв, ние одржуваме внимателен оптимистички изглед и предвидуваме релативна стабилност во блиска иднина“.
