text size
Над 100 милиони евра бескаматни и евтини кредити ќе се пласираат годинава преку Развојната банка. Вакви се проекциите на директорот Кире Наумов, кој во разговор за Блумберг Адриа вели дека заклучно со јули веќе се дадени кредити во вкупна вредност од 73 милиони евра. Најавува и нова кредитна линија за следната година.
„Веќе сме во преговори со Европската инвестициска банка и скоро е извесно дека за следната година ќе повлечеме нова, седма кредитна линија, која што ќе изнесува 100 милиони евра, а покрај тоа најавувам дека разговараме и со неколку други меѓународни финансиски институции“, изјави Кире Наумов, директор на Развојната банка на Македонија.
Наумов вели дека се олеснети условите за аплицирање, особено во делот на кредити за земјоделството.
Директорот на Развојната банка вели дека во услови на криза најголем предизвик е како ограничените финансиски ресурси да се распределат соодветно за да се направи баланс меѓу поддршка за зачувување на ликвидноста на компаниите но, и да се обезбедат пари за нови инвестиции.
Деталите погледнете ги во видеото од разговорот.
.webp){kind=icon}
