„ТАВ Македонија“, подружница на „ТАВ аеродроми“, ја заврши надградбата на системот за ракување со багаж и инсталацијата на нов уред за скенирање багаж на скопскиот аеродром, што претставува уште една капитална инвестиција во вредност од 2,4 милиони евра.
Процесот на надградба на системот за ракување со багаж на меѓународниот аеродром во Скопје и инсталацијата на новиот уред за скенирање почнаа на 9 октомври, а завршија на 28 ноември.
ТАВ Македонија
„Со најновата технологија за безбедносна проверка, компјутерска томографија, капацитетот за проверка на багажот сега е зголемен за 30 отсто, или 1.800 парчиња багаж на час. Новата врвна технологија на системот за ракување со багаж, напредното следење на багажот, зголемениот капацитет и намаленото време на обработка се дел од нашата визија за иднината на воздушниот сообраќај и ја докажуваат нашата посветеност да обезбедиме беспрекорно патничко искуство, оперативна ефикасност и патничко задоволство“, изјави Неџат Курт, генерален директор на „ТАВ Македонија“.
ТАВ Македонија
Сега патниците што патуваат од скопскиот аеродром за да ги завршат сите аеродромски процедури може да пристигнуваат на аеродромот два часа пред летот.
Системот за ракување со багаж на скопскиот аеродром претходно работеше со „Стандард 2“, опрема за рендген-проверка на багаж или конвенционална технологија, а сега, со оваа значителна инвестиција, за која беа потребни редизајнирање и повторно конфигурирање, системот за ракување со багаж беше надграден со помоќна технологија – компјутерска томографија (КТ) или „Стандард 3“, што е највисок стандард на Европската конференција за цивилно воздухопловство (European Civil Aviation Conference – ECAC).
ТАВ Македонија
„ТАВ Македонија“, подружница на „ТАВ аеродроми“, ги заврши првите десет месеци од 2023 година со 30 отсто пораст на патничкиот сообраќај, достигнувајќи вкупно 2,6 милиони (2.647.816) патници на двата македонски аеродрома во Скопје и во Охрид, додека бројот на летови во истиот период изнесува 19.935, со годишен пораст од 20 отсто.
.webp){kind=icon}
