Кети Вуд ги продаде акциите во „Тајван семикондуктор“ - ТСМЦ (Taiwan Semiconductor Manufacturing Corp.) за првпат по повеќе од две години, со што дополнително ја намали изложеноста во клучниот купувач на производителот на чипови „Енвидија“ (Nvidia Corp.).
„Арк аутономус технолоџи и роботикс ЕТФ“ (Ark Autonomous Technology and Robotics ETF) продаде 8.599 американски депозитарни потврди (депозитарната потврда им овозможува на инвеститорите да поседуваат сопственички акции на странски компании без потреба да тргуваат директно на странски пазар) на најголемата компанија во Тајван во петокот, во првата продажба на акциите од крајот на 2021 година, покажуваат податоците на „Арк инвестмент менаџмент“ (Ark Investment Management LLC) собрани од „Блумберг“. Истиот ЕТФ (ЕТФ е фонд со кој се тргува на берза) продаде 2.362 акции на „Енвидија“ истиот ден.
Bloomberg
Вуд ги намалува уделите во компаниите што се глобални производители на чипови во моменти кога се засилува бесот од вештачката интелигенција, а ѕвездената заработка на „Енвидија“ ги поттикнува глобалните пазари до нови височини. „Енвидија“ порасна за 59 отсто од почетокот на годината до денес, а акциите на ТСМЦ со кои се тргува во САД се зголемија за 25 отсто.
Прочитај повеќе
Кети Вуд за првпат по една година повторно вложува во јапонскиот „Јаху“
Тоа сигнализира враќање на довербата во компанијата што управува со јапонскиот оддел на „Јаху“ и со апликацијата за размена на пораки Лајн.
26.12.2023
За колапсот на банките е виновен ФЕД, а не криптосекторот, вели Кети Вуд
Политиката на Федералните резерви, a не криптосекторот, е главниот виновник за банкротот на банките „Силикон валеј“ и „Сигначур“.
17.03.2023
„Енвидија“ го вивна индексот S&P 500 на рекордно ниво
S&P 500 се зголеми за 2,11 отсто, за да се затвори на 5.087,03, и го забележа својот најдобар ден од јануари 2023 година.
23.02.2024
Акциите на „Енвидија“ скокнаа по веста дека кварталниот приход се зголемил тројно
Побарувачката за најновите производи на „Енвидија“ ќе продолжи да ја надминува понудата до крајот на годината.
22.02.2024
„Голдман Сакс“: „Енвидија“ денеска е најважната акција во светот
Јасно е дека лидерот на индустријата заснована на вештачка интелигенција може да ги разниша финансиските пазари.
21.02.2024
„Енвидија“ урива рекорди, стана третата највредна компанија во САД
„Енвидија“, една од најголемите светски компании во областа на производство на микрочипови, го надмина „Алфабет“, матичната компанија на „Гугл“.
19.02.2024
Фондовите „Арк“ купиле акции на ТСМЦ повеќепати во 2023 година и сè уште заедно поседуваат околу 221.848 акции во компанијата, според податоците собрани од „Блумберг“.
Bloomberg
Вуд беше еден од најистакнатите гласови што предвидуваа дека вештачката интелигенција ќе ја промени играта. И покрај тоа, таа ги продаде акциите на „Енвидија“ во текот на минатата година, обложувајќи се на потенцијалот за раст во софтверските компании за кои помалку се зборуваше, како што се „Уипет“ (UiPath Inc.) и „Твилио“ (Twilio Inc.).
Автономниот ЕТФ, кој се фокусира на компаниите релевантни за индустриски иновации, го пропушти порастот што на „Енвидија“ ѝ даде вредност од речиси 2 трилиони долари, надминувајќи ги „Амазон“ (Amazon.com Inc.) и „Алфабет“ (Alphabet Inc.).
.webp){kind=icon}
