Коосновачот на „Палантир технолоџис“ (Palantir Technologies Inc.), Џо Лонсдејл, беше предводник на инвеститорите што се обложуваа на малку познат нигериски стартап за одбрана, кој го проширува производството на дронови, бидејќи насилниот екстремизам се шири низ Африка.
„Терахаптикс“ (Terrahaptix Inc.) соопшти дека собрал 11,8 милиони долари во рунда што ја предводеше 8VC, основана од Лонсдејл. Алекс Мур, кој се фокусира на инвестиции во одбраната во 8VC и е директор во „Палантир“, минатата година му се приклучи на одборот на производителот на дронови, познат и како „Тера индустрис“ (Terra Industries), се наведува во соопштението на компанијата што е објавено денеска.
Прочитај повеќе
„Палантир“ - мистериозниот технолошки гигант што ги поврзува државата, војската и вештачката интелигенција
Американската софтверска компанија постои повеќе од две децении и е позната по своите софистицирани аналитички алатки.
13.11.2025
Промената во модерното војување носи раст на акциите на одбранбените компании
Иако гигантите за оружје како производителот на борбени авиони „Локхид Мартин“ (Lockheed Martin Corp) и производителот на ракети „РТХ Корп“ (RTX Corp) сè уште заземаат клучен дел од повеќето портфолија на акции, тие во последно време добија конкуренција.
21.12.2025
Крај на „лесните пари“ од оружје? „Рајнметал“ паѓа, а инвеститорите бараат нов рудник за „злато“
Во сенка на вестите од Женева, на европските берзи се случува тивок, но брутален земјотрес. По три години доминација, одбранбениот сектор се колеба, а „паметните пари“ веќе си најдоа нова цел.
27.11.2025
„Тера“, која е основана во 2024 година од 22-годишниот Натан Нвачуку и 24-годишниот Максвел Мадука, со седиште во Абуџа, произведува дронови со долг и среден дострел, автономни стражарски кули и беспилотни копнени возила. Опремата помага во обезбедувањето инфраструктурни средства вредни околу 11 милијарди долари низ Африка, вклучувајќи хидроцентрали во Нигерија, како и рударски операции за злато и литиум во Гана, се наведува во соопштението.
„Африка се индустријализира побрзо од кој било друг регион, со нови рудници, рафинерии и електроцентрали што се појавуваат секој месец“, рече Нвачуку. „Но ништо од тој напредок нема да биде важно ако не ја решиме Ахиловата петица на континентот, а тоа се несигурноста и тероризмот.“
Групи како Исламската држава и Ал каеда добиваат на сила во Африка, окрупнувајќи се по должината на територијалниот појас што се протега од Мали до Нигерија. Тоа доведе до прогласување вонредна состојба од страна на регионалниот блок на Економската заедница на западноафриканските држави.
Новото финансирање ќе се користи за проширување на производствениот капацитет на „Тера“ додека се шири во насока на обезбедување прекугранична безбедност и борба против тероризмот, соопшти компанијата.
Меѓу инвеститорите се „Валор еквити партнерс“ (Valor Equity Partners), „Лукс капитал“ (Lux Capital), „СВ енџел“ (SV Angel), „Леблон капитал“ (Leblon Capital GmbH), „Сајлент венчрс“ (Silent Ventures LLC), „Нова глобал“ (Nova Global) и деловни ангел-инвеститори, вклучувајќи го и Мајер Малка - управувачки партнер на „Рибит капитал“ (Ribbit Capital).
„Рибит“ има удели во многу од најуспешните светски стартапи за финансиска технологија, како што се банкарската фирма „Револут“ (Revolut) и „Кредит карма“ (Credit Karma), која им овозможува на потрошувачите да ги проверуваат своите кредитни сметки и да споредуваат финансиски производи.
„Тера индустрис“ дизајнира, гради и произведува свои системи на континентот, а поголемиот дел од нејзиниот инженерски тим го сочинуваат луѓе што се Африканци.
.webp){kind=icon}
