Бидејќи покачувањето на платите разочара, речиси 40 отсто од Американците решија да штедат повеќе во 2023 година, па некои бараат нови начини да генерираат екстра приход со дополнителна работа.
И покрај тоа што американскиот пазар на труд останува силен, исто таква е и инфлацијата, што ги тера работниците да бараат повеќе приходи.
„Со оглед на зголемувањето на каматните стапки, инфлацијата и другите зголемени трошоци, луѓето се повеќе склони да се пријават за дополнителна работа со цел да ги подмират зголемените трошоци за живот“, вели Синем Бубер, главен економист во „Зип рекрутер“ (ZipRecruiter). Дополнителната работа станува почеста појава на силните пазари на труд - како овој во кој се наоѓаме сега - кога има многу можности, додава Бубер. Прифаќањето на втора работа со скратено работно време, исто така, може да обезбеди потпопра во случај отпуштањата да се прелеат од големите технолошки компании кон остатокот од економијата.
„Зип рекрутер“ спроведе анализа на огласите за да ги идентификува работните места што можат да се вршат со скратено работно време со малку или без почетни барања и ги рангираше според просечниот надомест по час. Некои популарни дополнителни ангажмани како блогирање или влогирање не се најдоа на списокот затоа што тие обично се фриленс занимања и не се огласени на сајтовите за работа.
1. Семеен асистент
Број еден на листата е „семеен асистент“, што обично вклучува комбинација од готвење, чистење, грижа за деца, координирање на распоредот и справување со други задолженија во едно домаќинство. Иако многу семејни асистенти живеат со своите работодавци и работат со полно работно време, достапни се и вакви позиции со скратено работно време.
2. Занаетчија
Во различни гранки, како столари, електричари, дувачи на стакло. Постојат програми за сертификати, курсеви, работнички училишта кои нудат обука.
3. Специјалист за продажба
Специјалистите за продажба работат во низа индустрии од технологија, преку недвижности, до осигурување. Овие претставници допираат до потенцијалните клиенти и управуваат со тој однос.
4. Рецензент за квалитет
Рецензентите за квалитет ги следат, проверуваат и тестираат производите за да се осигураат дека се испочитувани стандардите на компанијата. Овие позиции се достапни во широк опсег на сектори како безбедност на храна, фармацевтски производи и софтвер.
5. Координатор за грижа
Овие координатори ја надгледуваат и следат грижата за пациентите, обично во болници или установи за долгорочна нега на пациенти. Работата вклучува координирање на распоредот, работа со пациентите и нивните семејства и организирање на документација и медицинска евиденција.
6. Организатор на настани
Се состои од организација на специјални настани за клиенти и помош за промовирање, поставување и водење на кампањи. На пример, работа на штандови на саеми или фестивали, разговор со потенцијални клиенти, рекламирање на производи или услуги.
7. Возач
Широк опсег на компании имаат потреба од комерцијални возачи, на пример во сферата на градежништвото, здравствената заштита и малопродажбата.
8. Служба за кориснци
Претставниците на службата за корисници решаваат поплаки и им помагаат на клиентите со технички проблеми преку телефон или преку е-пошта.
9. Помошник медицински техничар
Асистентите на медицинските техничари го поддржуваат медицинскиот персонал со распределба на лекови и обезбедување на основна нега во болниците, центрите за рехабилитација, домовите за стари лица...
10. Оператор во кол-центар
Попознати како телемаркетари, овие оператори контактираат со потенцијалните клиенти најчесто преку телефон, но исто така и преку е-пошта и социјални мрежи, одговарајќи на прашања за услугите и закажувајќи состаноци.
.webp){kind=icon}
