.webp){kind=icon}
Илон Маск се обрати кон луѓето што работат оддома со критика дека тоа е навреда за оние што мора да се појават на работното место.
Главниот извршен директор на „Тесла“ (Tesla Inc.) во вторникот изјави дека вклучувањето на лаптопот оддома ја намалува продуктивноста и исто така испраќа погрешен сигнал до фабричките работници и другите вработени што ја немаат таа опција.
„Луѓе конструираат автомобили, сервисираат автомобили, градат куќи, поправаат куќи, прават храна, ги прават сите производи што преостанатите ги консумираат. Многу е настрано да се мисли дека тие едноставно мора да одат на работа, но вие не“, кажа тој во интервју за Си-ен-би-си (CNBC). „Ова не е само од аспект на продуктивноста, мислам дека е морално погрешно“.
Маск беше силен поборник за политиките за враќање во канцеларија и минатото лето им постави ултиматум на вработените во „Тесла“, барајќи од вработените да поминуваат минимум 40 часа неделно во канцеларија.
„Сталежот со лаптопите живее во тралалајка“, изјави тој за Си-ен-би-си.
