Леонид Радвински, сопственикот на платформата Онлифaнс (OnlyFans), почина од рак на 43-годишна возраст, соопшти компанијата.
„Со длабока тага соопштуваме за смртта на Лео Радвински. Лео почина мирно по долга борба со ракот“, се наведува во соопштението.
Радвински ја купи мнозинската сопственост во Онлифaнс во 2018 година и ја претвори платформата во глобален феномен, целосно менувајќи ја индустријата за возрасни и овозможувајќи им на креаторите директно да наплаќаат за своите содржини.
Леонид Радвински
Онлифанс има над 4,6 милиони креатори и околу 377 милиони следбеници, со приход од 1,4 милијарда долари во 2024 година.
Роден во Одеса, Украина, Радвински се преселил во Чикаго како дете и студирал економија на Универзитетот „Нортвестерн“. Тој уште како тинејџер започнал со управување со порнографски веб-страници, вклучувајќи ја и Мајфрикaмс (MyFreeCams), пионер во плаќање за експлицитна содржина онлајн.
Онлифaнс истакнува дека Радвински поддржал неколку хуманитарни проекти и во 2024 година го префрлил својот удел во доверителен фонд.
.webp){kind=icon}
